اسلام آباد۔ 26 جون (اے پی پی)پاکستان دی سلیمہ امتیاز آئی سی سی ویمنز ٹی ٹوئنٹی ورلڈ کپ وچ امپائرنگ کرݨ آلی پہلی پاکستانی تریمت ہووݨ دا اعزاز اپݨے ناں کرڳھدے۔ انگلینڈ وچ جاری ویمنز ٹی ٹوئنٹی ورلڈ کپ دے دوران سلیمہ امتیاز ہݨ تئیں چار میچاں وچ مختلف ذمہ واریاں نبھا چکئن۔ او ݙو میچاں وچ آن فیلڈ امپائر، ہک میچ وچ ٹیلی ویژن امپائر تے ہک مقابلے وچ …
سلیمہ امتیاز ویمنز ٹی ٹوئنٹی ورلڈ کپ وچ امپائرنگ کرݨ آلی پہلی پاکستانی تریمت بݨ ڳئی
اسلام آباد۔ 26 جون (اے پی پی)پاکستان دی سلیمہ امتیاز آئی سی سی ویمنز ٹی ٹوئنٹی ورلڈ کپ وچ امپائرنگ کرݨ آلی پہلی پاکستانی تریمت ہووݨ دا اعزاز اپݨے ناں کرڳھدے۔ انگلینڈ وچ جاری ویمنز ٹی ٹوئنٹی ورلڈ کپ دے دوران سلیمہ امتیاز ہݨ تئیں چار میچاں وچ مختلف ذمہ واریاں نبھا چکئن۔ او ݙو میچاں وچ آن فیلڈ امپائر، ہک میچ وچ ٹیلی ویژن امپائر تے ہک مقابلے وچ فورتھ امپائر دے فرائض سرانجام ݙتن۔ورلڈ کپ وچ انھاں دیاں ذمہ واریاں دا سلسلہ ہݨ وی جاری اے۔سلیمہ امتیاز ہفتے کوں لندن دے اوول گراؤنڈ وچ انگلینڈ تے نیوزی لینڈ وچال میچ وچ ٹیلی ویژن امپائر جݙاں جو اتوار کوں لارڈز کرکٹ گراؤنڈ وچ بھارت تے آسٹریلیا وچال مقابلے وچ فورتھ امپائر دے فرائض سرانجام ݙیسن۔واضح رہے سلیمہ امتیاز ستمبر 2024 وچ آئی سی سی دے انٹرنیشنل ڈیویلپمنٹ پینل وچ شامل تھیوݨ آلی پہلی پاکستانی تریمت بݨئن، جیہڑی پاکستانی تریمت کرکٹ آفیشلز کیتے ہک ٻہوں وݙی کامیابی سمجھی ویندی اے۔ اپݨی ایں تاریخی کامیابی تے ڳالھ مہاڑ کریندیں سلیمہ امتیاز آکھیا آئی سی سی ویمنز ٹی ٹوئنٹی ورلڈ کپ وچ بطور امپائر ڈیبیو کرݨ انھاں کیتے تے پاکستان کیتے ہک ٻہوں وݙا اعزاز اے۔ انھاں امید ظاہر کیتی انھاں دی اے کامیابی ٻیاں پاکستانی تریمتاں کوں وی کرکٹ دے شعبے وچ اڳوں ودھݨ دی ترغیب ݙیسی۔ کرکٹ حلقیں سلیمہ امتیاز دی ایں کامیابی کوں پاکستان کیتے ماݨ دی ڳالھ قرارݙیندیں اینکوں کھیݙاں وچ تریمتاں دی ودھدی نمائندگی دا مثبت مظہر قرارݙتے۔
