لاہور۔3 جولائی (اے پی پی) جدہ اچ پاکستان کرکٹ بورڈ (پی سی بی) دے چیئرمین محسن نقوی سعودی عرب کرکٹ فیڈریشن دے چیئرمین شہزادہ سعود بن مشعل آل سعود دے ہمراہ کنگ فہد عبدالعزیز یونیورسٹی اچ قائم کرکٹ سٹیڈیم دا دورہ کیتا۔ پی سی بی ترجمان دے مطابق دورے دے دوران محسن نقوی سٹیڈیم دے مختلف سیکشنز تے انکلوژرز دا تفصیلی معائنہ کیتا، جڈانجو مجوزہ تبدیلیاں تے سہولیات دی بہتری …
چیئرمین پی سی بی محسن نقوی دا کنگ فہد عبدالعزیز یونیورسٹی اچ قائم کرکٹ سٹیڈیم دا دورہ
لاہور۔3 جولائی (اے پی پی) جدہ اچ پاکستان کرکٹ بورڈ (پی سی بی) دے چیئرمین محسن نقوی سعودی عرب کرکٹ فیڈریشن دے چیئرمین شہزادہ سعود بن مشعل آل سعود دے ہمراہ کنگ فہد عبدالعزیز یونیورسٹی اچ قائم کرکٹ سٹیڈیم دا دورہ کیتا۔ پی سی بی ترجمان دے مطابق دورے دے دوران محسن نقوی سٹیڈیم دے مختلف سیکشنز تے انکلوژرز دا تفصیلی معائنہ کیتا، جڈانجو مجوزہ تبدیلیاں تے سہولیات دی بہتری بارے وی ڳالھ مہاڑ کیتی۔ ایں موقع تے انھاں کوں سٹیڈیم دی موجودہ صورتحال، ترقیاتی منصوبیاں تے مستقبل دی منصوبہ بندی دے حوالے نال تفصیلی بریفنگ ݙتی ڳئی۔ محسن نقوی آکھیا جو اے سٹیڈیم سعودی عرب اچ کرکٹ دے فروغ اچ اہم کردار ادا کریسی اتے جلد اتھاں بین الاقوامی کرکٹ ایونٹس دے انعقاد دی راہ ہموار تھیسی۔ انھاں آکھیا جو پاکستان کرکٹ بورڈ کیتے سعودی عرب اچ کرکٹ دے شاندار سفر دا حصہ بݨݨ باعثِ اعزاز اے۔ انھاں سعودی عرب کرکٹ فیڈریشن دے چیئرمین شہزادہ سعود بن مشعل آل سعود دے تعاون کوں سراہندیں ہوئیں انھاں دا خصوصی شکریہ ادا کیتا اتے ݙوہیں ملکاں وچال کرکٹ دے شعبے اچ تعاون کوں مزید فروغ ݙیوݨ دے عزم دا اظہار کیتا۔
