ملتان۔06 جولائی (اے پی پی) پاکستان دی معروف لوک تے کلاسیکی گلوکارہ ثریا ملتانیکر نمونیا اچ مبتلا تھیوݨ دے بعد نجی ہسپتال دے انتہائی نگہداشت وارڈ (آئی سی یو) اچ زیرِعلاج ہن۔ انھاں دی صاحبزادی راحت بانو ملتانیکر سوشل میڈیا تے جاری آپݨے ہک پیغام اچ ݙسایا جو انھاں دی والدہ دی طبیعت گزریل ترائے ݙینھ توں ناساز اے تے انھاں دا نجی ہسپتال دے آئی سی یو اچ علاج …
معروف گلوکارہ ثریا ملتانیکر شدید بیمار، آئی سی یو وارڈ اچ زیرِ علاج
ملتان۔06 جولائی (اے پی پی) پاکستان دی معروف لوک تے کلاسیکی گلوکارہ ثریا ملتانیکر نمونیا اچ مبتلا تھیوݨ دے بعد نجی ہسپتال دے انتہائی نگہداشت وارڈ (آئی سی یو) اچ زیرِعلاج ہن۔ انھاں دی صاحبزادی راحت بانو ملتانیکر سوشل میڈیا تے جاری آپݨے ہک پیغام اچ ݙسایا جو انھاں دی والدہ دی طبیعت گزریل ترائے ݙینھ توں ناساز اے تے انھاں دا نجی ہسپتال دے آئی سی یو اچ علاج کیتا ویندا پئے۔راحت بانو ملتانیکر دنیا اچ موجود ثریا ملتانیکر دے مداحیں توں انھاں دی وقتی صحت یابی کیتے دعا دی اپیل کیتی اے۔ انھاں مزید آکھیے جو ڈاکٹراں فی الحال انھاں دی والدہ نال ملاقات تے پابندی لاݙتی اے، تاں جو انھاں کوں مکمل آرام تے بہتر طبی سہولت ݙتی ونڄ سڳے۔ واضح رہے جو ثریا ملتانیکر پاکستان دی ممتاز لوک تے کلاسیکی گلوکارہ اچ شمار تھیندن تے فنِ موسیقی دے شعبے اچ انھاں دی خدمات کوں ملک اچ قدر دی نگاہ نال ݙٹھا ویندے۔
