وینزویلا اچ زلزلے نال اموات دی تعداد ودھ تے 3 ہزار 685 تھی ڳئی اے، اقوامِ متحدہ دا 50 ہزار افراد دے لاپتہ تھیوݨ دا خدشہ

کراکس۔8 جولائی (اے پی پی) وینزویلا اچ 24 جون کوں آوݨ آلے 7.2 تے 7.5 شدت دے ݙو طاقتور زلزلیاں دے نتیجے اچ اموات دی تعداد ودھ تے 3 ہزار 685 تھی ڳئی اے جڈانجو 16 ہزار 740 افراد زخمی تھین۔ اماراتی نیوز ایجنسی ’وام‘ دے مطابق امدادی کارروائیاں جاری ہن۔ ٻئے پاسوں اقوامِ متحدہ اندازہ ظاہر کیتے جو زلزلیاں دے بعد 50 ہزار تائیں افراد لاپتہ تھی سڳدن جڈانجو کجھ ٻئے تخمینیاں اچ لاپتہ افراد دی تعداد 10 ہزار ݙسائی ڳئی اے۔