پاکستان دی معاشی اصلاحات تے مالیاتی استحکام تے عالمی اعتماد مستحکم، ملکی اقتصادی کارکردگی مسلسل بہتر تھیندی پئی اے، سینیٹر محمد اورنگزیب

اسلام آباد۔8 جولائی (اے پی پی) وفاقی وزیرِ خزانہ سینیٹر محمد اورنگزیب آکھیا جو پاکستان دی معاشی اصلاحات تے مالیاتی استحکام تے عالمی اعتماد ٻئیا مضبوط تھی ڳئے، معاشی اصلاحات تے موئثر معاشی پالیسیاں نال ملک دی اقتصادی کارکردگی مسلسل بہتر تھیندی پئی اے۔ اے ڳالھیں انھاں ایس اینڈ پی گلوبل ریٹنگز دے وفد نال ملاقات دے دوران کیتا، ایں دوران ملکی معاشی صورتحال، کریڈٹ پروفائل تے اصلاحاتی ایجنڈے بارے ڳالھ مہاڑ کیتی ڳئی۔ ایس اینڈ پی گلوبل ریٹنگز پاکستان دی معاشی اصلاحات، مالیاتی نظم و ضبط، قرضیاں دی پائیداری تے معاشی استحکام کیتے حکومتی عزم کوں سراہیا۔وزیرِ خزانہ وفد کوں ݙسایا جو مالی سال 2026-27 دے بجٹ دے تحت پاکستان دے معاشی بنیادی اشاریاں اچ نمایاں بہتری آئی اے۔ انھاں گھٹ مہنگائی، ودھدے زرمبادلہ دے ذخائر، مضبوط بیرونی شعبے تے سرمایہ کاراں دے اعتماد اچ اضافے کوں معاشی استحکام دی اہم وجوہات قرار ݙتا۔ انھاں دا آکھݨ ہئی جو گھٹ مالیاتی خسارے، ریکارڈ پرائمری سرپلس تے بہتر قرضہ جاتی انتظام نال مالیاتی پائیداری ٻئی مضبوط تھئی۔ وفد کوں ٹیکس، توانائی، سرکاری اداریاں، نجکاری، گورننس تے مالیاتی نظم تےو نسق اچ جاری اصلاحات دا ݙسیا ڳئیا۔ وزیرِ خزانہ دا آکھݨ ہئی جو مسلسل معاشی اصلاحات تے مالیاتی نظم و ضبط نال پاکستان دی معیشت تے عالمی اعتماد ݙوہائیں مضبوط تھیندے پئن۔