23 ویں فیفا ورلڈ کپ دا پہلا سیمی فائنل میچ فرانس تے سپین دی ٹیماں وچال 14 جولائی کوں کھیݙیا ویسی

نیویارک۔13 جولائی (اے پی پی) فٹ بال دی عالمی تنظیم فیفا ولوں 23 ویں ورلڈ کپ فٹ بال ٹورنامنٹ 2026 دی سیمی فائنل لائن اپ مکمل تھی ڳئی اے۔ ای ایس پی این دے مطابق کوارٹر فائنل راؤنڈ مکمل تھیوݨ دے بعد دفاعی چیمپئن ارجنٹائن، انگلینڈ، سپین تے فرانس دی ٹیماں سیمی فائنل راؤنڈ اچ پڄ ڳئن۔ 23 واں ورلڈ کپ فٹ بال ٹورنامنٹ آپݨے اختتامی مراحل آلے پاسے ویندا پئے۔ فٹ بال ورلڈ کپ دے امریکہ، کینیڈا تے میکسیکو اچ سڄے عالمی میلے اچ شائقینِ فٹ بال کوں انتہائی دلچسپ تے کانٹے دار مقابلے ݙیکھݨ کوں ملدے پئن۔ میگا ایونٹ دا سیمی فائنل راؤنڈ 14 جولائی توں شروع تھیسی اتے ایں سلسلے اچ پہلا سیمی فائنل میچ فرانس تے سپین دی ٹیماں وچال 14 جولائی کوں اے ٹی اینڈ ٹی سٹیڈیم، آرلنگٹن، امریکہ اچ کھیݙیا ویسی۔ ݙوجھا سیمی فائنل 15 جولائی کوں دفاعی چیمپئن ارجنٹائن اتے انگلینڈ دی ٹیماں وچال کھیݙیا ویسی اتے اے میچ مرسڈیز بینز سٹیڈیم، اٹلانٹا، امریکہ اچ کھیݙیا ویسی۔ واضح رہے جو میگا ایونٹ اچ تریجھی پوزیشن کیتے میچ 18 جولائی کوں جڈانجو فائنل میچ 19 جولائی کوں میٹ لائف سٹیڈیم، ایسٹ ردرفورڈ، امریکہ اچ کھیݙیا ویسی۔