بابر اعظم دی قیادت اچ قومی ٹیسٹ ٹیم اڄ اسلام آباد توں ویسٹ انڈیز ویندی پئی اے

لاہور۔ 13 جولائی(اے پی پی) بابر اعظم دی قیادت اچ قومی ٹیسٹ ٹیم اڄ اسلام آباد توں ویسٹ انڈیز ویندی پئی اے جتھاں پاکستان ٹیم ویسٹ انڈیز اچ ݙو ٹیسٹ میچز دی سیریز کھیݙسی۔ پی سی بی سابق انٹرنیشنل منصور امجد کوں عبدالسعد دی ڄاہ تے پاکستان ٹیم دا فیلڈنگ کوچ مقرر کیتے، سرفراز احمد ہیڈ کوچ، اسد شفیق بیٹنگ اتے عمر گل بولنگ کوچ ہین۔ پاکستان دے 16 رکنی سکواڈ اچ بابر اعظم کپتان، شان مسعود، امام الحق، اذان اویس، عبداللّٰہ فضل، سلمان علی آغا، غازی غوری تے محمد رضوان، ساجد خان، علی عثمان، عامر جمال، محمد علی، محمد عباس، عبید شاہ، اویس ظفر اتے خرم شہزاد وی شامل ہین۔ پاکستان اتے ویسٹ انڈیز وچال ݙو ٹیسٹ میچز دی سیریز دا پہلا ٹیسٹ 25 جولائی اتے ݙوجھا ٹیسٹ 2 اگست توں کھیݙیا ویسی۔ پاکستان ٹیسٹ ٹیم ویسٹ انڈیز دے بعد انگلینڈ ویسی جتھاں او 3 ٹیسٹ میچز دی سیریز کھیݙسی۔ پاکستان اتے انگلینڈ دی ٹیم وچال ٹیسٹ میچز 19 اگست، 27 اگست اتے 9 ستمبر توں کھیݙیے ویسن۔