اٹلانٹا۔16 جولائی (اے پی پی)فیفا ورلڈ کپ 2026ء دے ݙوجھے سیمی فائنل اچ ارجنٹینا سنسنی خیز مقابلے دے بعد انگلینڈ کوں 1-2 توں شکست ݙے تے ٹورنامنٹ دے فائنل کیتے کوالیفائی کر گھدے۔ سیمی فائنل اچ ݙوہیں ٹیماں دا سخت مقابلہ ݙیکھݨ اچ آیا، ٻھل ارجنٹینا اہم مواقع توں تکڑا فائدہ چیندے ہوئیں ݙو گول سکور کیتن، ڄݙاں جو انگلینڈ صرف ہک گول کر سڳیے۔ انگلینڈ ولوں اے گول انتھونی …
ارجنٹینا انگلینڈ کوں ہرا تے فیفا ورلڈ کپ دے فائنل اچ پڄ ڳئے
اٹلانٹا۔16 جولائی (اے پی پی)فیفا ورلڈ کپ 2026ء دے ݙوجھے سیمی فائنل اچ ارجنٹینا سنسنی خیز مقابلے دے بعد انگلینڈ کوں 1-2 توں شکست ݙے تے ٹورنامنٹ دے فائنل کیتے کوالیفائی کر گھدے۔ سیمی فائنل اچ ݙوہیں ٹیماں دا سخت مقابلہ ݙیکھݨ اچ آیا، ٻھل ارجنٹینا اہم مواقع توں تکڑا فائدہ چیندے ہوئیں ݙو گول سکور کیتن، ڄݙاں جو انگلینڈ صرف ہک گول کر سڳیے۔ انگلینڈ ولوں اے گول انتھونی گورڈن کیتے۔ ارجنٹینا ولوں اینزو فرنانڈیز 85 ویں منٹ اچ گول کیتے ڄݙاں جو لاٹارو مارٹنیز انجری ٹائم اچ گول کر تے ٹیم کوں جیت ݙوائی۔ ایں فتح دے نال ارجنٹینا ہݨ سپین دے خلاف فیفا ورلڈ کپ 2026ء دے فائنل میچ کیتے میدان اچ لھسی، ڄݙاں جو انگلینڈ کوں تریڄھی پوزیشن دے پلے آف میچ اچ فرانس دا سامنا کرݨا ہوسی۔ ارجنٹینا دی کامیابی تے شائقینِ فٹبال بھرپور جشن منائے۔
