نائب وزیراعظم محمد اسحاق ڈار دی بیلاروس دے وزیرِ خارجہ میکسم ریزینکوف نال ملاقات

اسلام آباد۔25جولائی(اے پی پی)نائب وزیراعظم و وزیرِ خارجہ سینیٹر محمد اسحاق ڈار کرغزستان دے شہر چولپون آتا اچ شنگھائی تعاون تنظیم دے وزرائے خارجہ کونسل دے اجلاس دے موقع تے بیلاروس دے وزیرِ خارجہ میکسم ریزینکوف نال ملین۔ فریقین پاکستان اتے بیلاروس دے تعلقات دا جائزہ ڳھندے ہوئے مختلف شعبیاں اچ تعاون کوں ٻیا تکرا کرݨ دا عزم دوہرایا۔ انھاں اعلیٰ سطح روابط دے تسلسل اتے پاکستان-بیلاروس مشترکہ وزارتی کمیشن دے ناویں اجلاس جیڑھا 11 توں 12 اگست کوں اسلام آباد اچ پاکستان دی میزبانی اچ تھیندا پئے، کیتے اپݨیاں توقعات پیش کیتن۔ ݙوہائیں رہنماواں اقتصادی اتے تجارتی تعاون ودھاوݨ، دفاع، زراعت، ٹیکنالوجی اتے افرادی قوت دے تبادلے دے شعبیاں اچ اشتراک تکڑا کرݨ دے طریقیاں تے الیندے جامع تعاون دے روڈ میپ (2025-2027) دا عزم دوہرایا۔انہاں علاقائی صورتحال اتے باہمی دلچسپی دے امور تے وی الایا۔ وزیرِ خارجہ ریزینکوف امریکہ-ایران صورتحال اچ ڳالھ مہار ٹورݨ کیتے پاکستان دے تعمیری کردار دی تعریف کریندے خطے اچ امن و سلامتی ودھاوݨ کیتے پاکستان دیاں کوششقاں کوں وی سراہے۔