ایشین فائیو اے سائیڈ ہاکی: پاکستانی ٹیم بھارت توں ہر ڳئی

لاہور۔25 جولائی(اے پی پی)ایشین فائیو اے سائیڈ ہاکی ٹورنامنٹ اچ پاکستان اتے بھارت دے گروپ میچ اچ پاکستانی ٹیم مینجمنٹ سنگین غلطی کیتی۔ پاکستان مقررہ 5 دی بجائے 6 کھلاڑی میدان اچ ٻھیڄ ݙتے جیںدے تے ایمپائر دی نشاندہی دے بعد 2 کھلاڑیاں کوں میدان توں ٻاہرو بھیج ݙتا ڳیا۔ ایں صورتِ حال اچ پاکستانی ٹیم کوں کڄھ ویلھے تک صرف 3 کھلاڑیاں نال کھیݙݨا پیا جیںدا فائدہ چیندے بھارت گروپ میچ اچ پاکستان کوں ہرا ݙتے۔ ݙوجھی پاسے ایشین فائیو اے سائیڈ ہاکی ٹورنامنٹ دا فائنل اڄ پاکستان اتے بھارت وچال کھیݙیا ویسی۔ فائیو اے سائیڈ ہاکی اچ ݙوہائیں ٹیماں اچوں ہر ہک اچ 5 کھلاڑی ہوندن۔