اسلام آباد۔26جولائی(اے پی پی)فیڈرل بورڈ آف ریونیو(ایف بی آر) سسٹم مینٹیننس پاروں 8 اگست توں 10 اگست تئیں کئی آن لائن سروسز عارضی طور تے معطل رکھݨ دا اعلان کیتے۔ ایف بی آر دے مطابق سسٹم مینٹیننس دا عمل 8 اگست رات ساݙھے 12 وڄے توں 10 اگست سویلے 5 وڄے تئیں جاری رہسی، ایں دوران آئی آر آئی ایس، ڈیجیٹل انوائسنگ، ادائیگی دا نظام اتے پی او ایس رجسٹریشن …
ایف بی آر دا 8 توں 10 اگست تئیں آن لائن سروسز دی بندش دا اعلان
اسلام آباد۔26جولائی(اے پی پی)فیڈرل بورڈ آف ریونیو(ایف بی آر) سسٹم مینٹیننس پاروں 8 اگست توں 10 اگست تئیں کئی آن لائن سروسز عارضی طور تے معطل رکھݨ دا اعلان کیتے۔ ایف بی آر دے مطابق سسٹم مینٹیننس دا عمل 8 اگست رات ساݙھے 12 وڄے توں 10 اگست سویلے 5 وڄے تئیں جاری رہسی، ایں دوران آئی آر آئی ایس، ڈیجیٹل انوائسنگ، ادائیگی دا نظام اتے پی او ایس رجسٹریشن دی سہولیات کم نا کریسن۔ ترجمان ایف بی آر دے مطابق مینٹیننس دے دوران ٹیکس دہندگان متعلقہ آن لائن خدمات اتے لین دین نا کر سڳسن۔ ٹیکس دہندگان کوں ہدایت کیتی ڳئی اے جو او اہم ریٹرنز، ادائیگیاں اتے رجسٹریشن دا عمل سسٹم بندش توں پہلے مکمل کر گھنن۔ مینٹیننس مکمل تھیوݨ توں بعد آن لائن سروسز فوری طور تے بحال کر ݙتیاں ویسن۔
