تہران۔29جولائی (اے پی پی) ایران اردن اچ امریکی اڈے تے میزائل حملے دی باضابطہ تصدیق کر ݙتی، امریکی فوج دی مرکزی کمان (سینٹکام) ولوں مشرقِ وسطیٰ اچ امریکی اڈوں تے داغے ڳئے ایرانی میزائل تباہ کیتے ونڄݨ دے اعلان دے کڄھ گھنٹیاں بعد ایران دے پاسدارانِ انقلاب ہک بیان اچ انھاں حملاں دی تصدیق کر ݙتی اے۔ بی بی سی دے مطابق پاسدارانِ انقلاب ولوں جاری بیان اچ آکھیا ڳیا …
ایران دی اردن اچ امریکی اڈے تے بیلسٹک میزائل حملے دی تصدیق
مزید خبراں
تہران۔29جولائی (اے پی پی) ایران اردن اچ امریکی اڈے تے میزائل حملے دی باضابطہ تصدیق کر ݙتی، امریکی فوج دی مرکزی کمان (سینٹکام) ولوں مشرقِ وسطیٰ اچ امریکی اڈوں تے داغے ڳئے ایرانی میزائل تباہ کیتے ونڄݨ دے اعلان دے کڄھ گھنٹیاں بعد ایران دے پاسدارانِ انقلاب ہک بیان اچ انھاں حملاں دی تصدیق کر ݙتی اے۔ بی بی سی دے مطابق پاسدارانِ انقلاب ولوں جاری بیان اچ آکھیا ڳیا جو امریکی فوج دی جارحانہ کارروائیاں دے جواب اچ پاسدارانِ انقلاب دی ایروسپیس فورس دے بہادر جواناں چند گھنٹیاں پہلے اردن اچ واقع امریکی فوج دے فضائی اڈے تے مرکزی کمان دے مرکز کوں متعدد بیلسٹک میزائلاں نال نشانہ ٻݨائے۔ گزریل چار ݙینہاں توں ایران تے امریکہ وچال براہِ راست حملے رکے ہوئے ہن تاہم بدھ دی سَجھ سینٹکام آپݨے بیان اچ دعویٰ کیتا ہئی جو ایران اچانک حملے دی کوشش کیتی لیکن امریکی افواج چوکنا ہن اتے داغے ڳئے تمام میزائلاں کوں فضا اچ تباہ کر ݙتا۔ ایران مشرقِ وسطیٰ اچ امریکی افواج تے اچانک حملے دی کوشش اچ متعدد بیلسٹک میزائل داغے ہن جئیں نال ݙوہائیں ملکاں وچال لڑائی اچ آوݨ آلا مختصر وقفہ ختم تھی ڳئے۔ امریکی فوج دے مطابق اےحملہ منگل کوں امریکی مشرقی وقت دے مطابق شام پنڄ وج تے 45 منٹ تے کیتا ڳیا (پاکستانی وقت دے مطابق منگل تے بدھ دی درمیانی رات ݙو وج تے 45 منٹ)، تاہم تمام میزائل کامیابی نال تباہ کر ݙتے ڳئے۔ امریکی فوج دی مرکزی کمان (سینٹکام) اے نھیں ݙسایا جو حملے دا ہدف کیڑھیاں ڄہیں ہن۔ ݙوجھی پاسے سینٹکام دے مطابق امریکی تے سعودی افواج عراق اچ ایران نواز شدت پسنداں دے ٹکاݨیاں کوں نشانہ بݨایا۔ امریکی فوج دا آکھݨ اے جو ایہہ کارروائی ایران دی ہدایت تے کیتے ڳئے ڈرون حملاں دے جواب اچ کیتی ڳئی۔ ایرانی حکومت ولوں ہݨ تئیں انھاں دعویاں تے کوئی تبصرہ نئی کیتا ڳیا۔
