عالمی اتے مقامی مارکیٹاں اچ سونے دا ملھ ݙو ݙینہہ بعد ول ودھ ڳئے

کراچی۔30جولائی(اے پی پی)آل پاکستان صرافہ جیمز اینڈ جیولرز ایسوسی ایشن دے مطابق 24 قیراط فی تولہ سونا ہک ہزار روپے مہانگا تھی تے 4 لکھ 27 ہزار 436 روپے دا تھی ڳئے۔ 10 گرام سونے دی قیمت 857 روپے ودھ تے 3 لکھ 66 ہزار 457 روپے تھی ڳئی اے۔ ایویں ہی فی تولہ چاندی دی قیمت 76 روپے گھٹ تے 6 ہزار 215 روپے تھی ڳئی اے۔ ݙوجھے پاسو انٹرنیشنل مارکیٹ اچ 10 ڈالر مہانگا تھی تے فی اونس سونا 4050 ڈالر دا تھی ڳئے۔