کامن ویلتھ گیمز: ارشد ندیم جیولین تھرو دے فائنل اچ پڄ ڳئن

گلاسگو۔30جولائی(اے پی پی)قومی ایتھلیٹ ارشد ندیم کامن ویلتھ گیمز جیولین تھرو مقابلے دے فائنل اچ پڄ ڳئن ڄݙاں جو قومی ایتھلیٹ محمد یاسر سلطان فائنل اچ ڄاہ نئیں ٻݨا سڳیے۔ قومی ایتھلیٹ ارشد ندیم ٹاپ 12 ایتھلیٹس اچ ڄاہ ٻݨائی اے۔ گلاسگو اچ جاری کامن ویلتھ گیمز اچ جیولین تھرو دا فائنل صبحائیں جمعہ کوں تھیسی۔ پاکستان دے ارشد ندیم پہلی تھرو 78.63 میٹر دی سٹی، ݙوجھی تھرو ضائع تھی ڳئی، ڄݙاں جو تریجھی تھرو 75.65 میٹر دی سٹی۔ پاکستان ہی دے محمد یاسر دی پہلی تھرو ضائع تھی ڳئی، انھاں ݙوجھی تھرو 71.42 میٹر دی اتے تریجھی تھرو 74.36 میٹر دی سٹی۔ پہلی تھرو اچ بھارت دے نیرج چوپڑا پاکستانی ارشد ندیم توں پچھو رہ ڳئن، بھارت دے نیرج چوپڑا ݙوجھی تھرو 79.61 میٹر دی سٹی ہئی۔