ہاکی سیریز، قومی ٹیم جنوبی کوریا کوں 1-3 توں ہر ݙتے

اسلام آباد۔31جولائی(اے پی پی) پاکستان ہاکی ٹیم جنوبی کوریا کوں شاندار مقابلے دے بعد 1-3 توں ہر ݙتے۔ نصیر بُندہ ہاکی سٹیڈیم اسلام آباد اچ پاکستان اتے جنوبی کوریا وچال کھیݙے ڳئے ہاکی ٹیسٹ دے پہلے کوارٹر اچ کوئی وی ٹیم گول نئیں کر سڳی، ݙوجھے کوارٹر اچ پاکستان کوں سفیان خان کھیݙ دے مجموعی طور تے 21 ویں منٹ اچ برتری ݙوا ݙتی۔ ایںدے 4 منٹ بعد جنوبی کوریا دے یہ ہون وان گول کر تے مقابلہ برابر کر ݙتے، ٻھل ہاف ٹائم دی وسل توں پہلے ابوبکر محمود ہک ٻیا گول کر تے پاکستان کوں ولا برتری ݙوا ݙتی۔ تریجھے کوارٹر اچ سفیان ہک ٻیا گول کر تے مقابلہ پاکستان دے حق اچ 1-3 کر ݙتا اتے میچ مکݨ دی وسل تئیں اے سکور لائن برقرار رہی، ݙوہائیں ٹیماں وچال ݙوجھا ہاکی ٹیسٹ یکم اگست کوں کھیݙیا ویسی۔