پاکستانی فائٹرز گاما ایشین ایم ایم اے چیمپئن شپ اچ 2 گولڈ میڈلز جت گھدن

لاہور۔31 جولائی(اے پی پی): پاکستان دے نوجوان مکسڈ مارشل آرٹس (ایم ایم اے) فائٹرز گاما ایشین ایم ایم اے چیمپئن شپ اچ شاندار کارکردگی ݙکھیندے ہوئے 2 طلائی تمغے اپݨے ناویں کر ڳھدن۔ گاما ایشین ایم ایم اے چیمپئن شپ دے انڈر 16 مقابلیاں دی 54 کلوگرام کیٹیگری دے فائنل اچ محمد جواد احمد قازقستان دے ژاریلکاسینوف میرمان کوں ہرا تے گولڈ میڈل اتے ایشین چیمپئن دا اعزاز حاصل کیتے۔ انڈر 18 ایج گروپ دی 56 کلوگرام کیٹیگری دے فائنل اچ محمد ثاقب تھائی لینڈ دے چانگپان واچارت کوں شکست ݙے تے طلائی تمغہ جیتے اتے ایشین چیمپئن ٻݨ ڳئن۔ محمد ثاقب ایں توں پہلے 2024ء گاما ورلڈ ایم ایم اے چیمپئن شپ دے وی گولڈ میڈلسٹ ہین۔ گاما ایشین ایم ایم اے چیمپئن شپ اچ 16 ملکاں دے 200 توں ودھ کھلاڑیاں حصہ ڳھدا ہئی۔