پہلا ٹی ٹوئنٹی: سری لنکن ویمنز ٹیم پاکستان ویمنز ٹیم کوں 6 وکٹاں توں ہر ݙتے

دمبولا۔31 جولائی(اے پی پی)سری لنکا ویمنز ٹیم پاکستان ویمنز ٹیم کوں پہلے ٹی ٹوئنٹی میچ اچ 6 وکٹاں توں ہر ݙتے۔ دمبولا اچ کھیݙے ڳئے میچ اچ میزبان سری لنکا ٹاس جیت تے پاکستان کوں پہلے بیٹنگ کرݨ دی دعوت ݙتی تاں پاکستان جارحانہ کھیݙدے ہوئے مقررہ 20 اوورز اچ 7 وکٹاں دے نقصان تے 176 رنز بݨائے۔ پاکستان ولوں شوال ذوالفقار 63، کپتان منیبہ علی 42، ایمان نصیر 21 اتے عائشہ ظفر 17 رنز ٻݨائن۔ سری لنکا ولوں کویشا دلہاری 2، کاویا کاوندی، سوگاندیکا کماری اتے چمودی پرا بودا ہک ہک وکٹ ڳھدی۔ ولدے اچ سری لنکن ٹیم اوپنر ایمیشا دلانی دی 101 رنز دی ناٹ آؤٹ اننگز پاروں اے ہدف 4 وکٹاں ونڄا تے 19 اوورز اچ پورا کر ڳھدے۔ سری لنکن کپتان چماری اتاپتو 39 رنز ٻݨائے۔