چالیسواں حضرت امام حسینؓ، ملتان اچ خصوصی ٹریفک پلان، 300 توں ودھ اہلکار تعینات

ملتان۔ 03 اگست (اے پی پی) سٹی ٹریفک پولیس ملتان چہلم حضرت امام حسینؓ دے جلوس کیتے خصوصی ٹریفک پلان جاری کرݙتے۔ ٹریفک دی روانی برقرار رکھݨ تے عزاداران دی سہولت کیتے شہر اچ 300 توں ودھ ٹریفک افسر تے اہلکار تعینات کیتے ویسن۔ترجمان سٹی ٹریفک پولیس موجب جلوس دے دوران حسین آگاہی بازار، حسین آگاہی چوک توں گھنٹہ گھر چوک، گھنٹہ گھر چوک توں کچہری چوک، ڳڑ منڈی، چوک بازار، اندرون حسین آگاہی تے اندرون ٻوہڑ گیٹ روڈ ہر قسم دی ٹریفک کیتے بند رہسن۔ شہریاں توں متبادل رستے اختیار کرݨ تے ٹریفک پولیس نال تعاون دی اپیل کیتی ڳئی اے۔سی ٹی او محمد نبیل کھوکھر ہدایت کیتی جو جلوس دے روٹ تے پارکنگ دی اجازت نہ ݙتی ونڄے، شہریاں کوں ویلھے تے متبادل رستیں دا ݙسایا ونڄے تے سارے اہلکار خوش اخلاقی تے پیشہ ورانہ انداز اچ اپݨی ذمہ واریاں انجام ݙیون۔ شہریاں کوں وی غیر ضروری سفرنہ کرݨ تے مختص پارکنگ استعمال کرݨ دی ہدایت کیتی ڳئی اے۔