اسلام آباد۔ 5 اگست (اے پی پی) وفاقی وزیرِ خزانہ تے محصولات سینیٹر محمد اورنگزیب نال امریکا دے تجارتی نمائندے (یو ایس ٹریڈ) سفیر جیمیسن گریئر ورچوئل ملاقات کیتی جئیں اچ پاکستان تے امریکا وچال ݙوپاسہ تجارت تے اقتصادی تعاون کوں مزید مضبوط بݨاوݨ کیتے جاری مذاکرات اچ تھئی پیش رفت دا جائزہ گھدا ڳیا۔ وزیرِ خزانہ واشنگٹن ڈی سی اچ تھئی حالیہ ملاقاتاں دا حوالہ ݙیندیں ہوئیں مذاکراتی ٹیماں …
وفاقی وزیرِ خزانہ نال امریکی تجارتی نمائندے دی ورچوئل ملاقات، آپسی تجارتی تے اقتصادی تعاون کوں فروغ ݙیوݨ تے اتفاق
مزید خبراں
اسلام آباد۔ 5 اگست (اے پی پی) وفاقی وزیرِ خزانہ تے محصولات سینیٹر محمد اورنگزیب نال امریکا دے تجارتی نمائندے (یو ایس ٹریڈ) سفیر جیمیسن گریئر ورچوئل ملاقات کیتی جئیں اچ پاکستان تے امریکا وچال ݙوپاسہ تجارت تے اقتصادی تعاون کوں مزید مضبوط بݨاوݨ کیتے جاری مذاکرات اچ تھئی پیش رفت دا جائزہ گھدا ڳیا۔ وزیرِ خزانہ واشنگٹن ڈی سی اچ تھئی حالیہ ملاقاتاں دا حوالہ ݙیندیں ہوئیں مذاکراتی ٹیماں ولوں حاصل تھیوݨ آلی پیش رفت دا خیرمقدم کیتا اتے مذاکرات دے دوران ݙوہائیں فریقاں دے مثبت تے تعمیری اندازِ تعاون کوں سراہیا۔وزیرِ خزانہ پاکستان دی اقتصادی ترجیحات دے تناظر اچ مذاکرات دی رفتار برقرار رکھݨ دی اہمیت تے زور ݙتا۔ سفیر جیمیسن گریئر مذاکراتی عمل اچ پاکستان دی مسلسل تے مثبت شمولیت کوں سراہندیں ہوئیں محنت کشاں دے حقوق تے ریگولیٹری اصلاحات، بالخصوص جبری مشقت دی روک تھام نال متعلق اقدامات اچ تھئی پیش رفت دی تعریف کیتی۔ فریقین ہݨ تک تھئی پیش رفت تے اطمینان دا اظہار کریندیں ہوئیں ایں گالھ تے اتفاق کیتا۔ جو مجوزہ باہمی تجارتی فریم ورک دے باقی ماندہ نکات کوں جلد حتمی شکل ݙیوݨ کیتے باقاعدہ رابطے جاری رکھیے ویسن تانجو پاکستان تے امریکا وچال دیرینہ اقتصادی شراکت داری کوں ٻیا مضبوط بݨایا ونڄ سڳے۔ ملاقات اچ وفاقی سیکرٹری تجارت جاوید پال تے امریکی تجارتی نمائندے (یو ایس ٹی آر) دے دفتر دے سینئر حکام وی شرکت کیتی۔
