اسلام آباد۔ 6 اگست (اے پی پی) وزیرستان دے باصلاحیت نوجوان کھلاڑی احسن محسود عالمی افق تے پاکستان دا ناں روشن کر ݙتے۔تفصیل موجب وزیرستان دے پُتر احسن محسود محنت، لگن تے بہترین کھیݙ نال ساوے ہلالی پرچم کوں عالمی سطح تے سربلند کیتا۔ احسن محسود تھائی لینڈ اچ منعقدہ بین الاقوامی تائیکوانڈو چیمپئن شپ اچ گولڈ میڈل جِت ڳھدا۔ قومی تائیکوانڈو کھلاڑی احسن محسود سیمی فائنل اچ بھارتی حریف …
احسن محسود بین الاقوامی تائیکوانڈو چیمپئن شپ اچ گولڈ میڈل جِت ڳھدا
اسلام آباد۔ 6 اگست (اے پی پی) وزیرستان دے باصلاحیت نوجوان کھلاڑی احسن محسود عالمی افق تے پاکستان دا ناں روشن کر ݙتے۔تفصیل موجب وزیرستان دے پُتر احسن محسود محنت، لگن تے بہترین کھیݙ نال ساوے ہلالی پرچم کوں عالمی سطح تے سربلند کیتا۔ احسن محسود تھائی لینڈ اچ منعقدہ بین الاقوامی تائیکوانڈو چیمپئن شپ اچ گولڈ میڈل جِت ڳھدا۔ قومی تائیکوانڈو کھلاڑی احسن محسود سیمی فائنل اچ بھارتی حریف کوں ہرائے۔ فائنل مقابلے اچ احسن محسود سری لنکا دے حریف کوں شکست ݙے تے گولڈ میڈل اپݨے ناں کیتا۔وزیرستان نال تعلق رکھݨ آلے قومی تائیکوانڈو کھلاڑی احسن محسود اپݨی کامیابی تے آکھیا جو اللہ تعالیٰ دے فضل و کرم، والدین دیاں دعاواں تے پاکستانی عوام دی بھرپور حمایت نال جِت ملی اے۔ میں چاہنداں جو وزیرستان جیھے پرے دے علاقیں نال تعلق رکھݨ آلے باصلاحیت کھݙاریاں کوں وی اہمیت ݙتی ونڄے۔واضح راہے جو احسن محسود دا عالمی سطح تے پاکستان دا ناں روشن کرݨ ایں ڳالھ دا ثبوت اے جو خیبر پختونخوا دے نینگر کہیں توں گھٹ کائنی۔
