ہاکی سیریز دے آخری میچ اچ جنوبی کوریا دی پاکستان کوں 2-6 توں شکست

اسلام آباد۔ 7 اگست(اے پی پی)پاکستان اتے جنوبی کوریا وچال کھیڈی ڳئی چار میچاں دی ہاکی سیریز دے چوتھے اتے آخری میچ اچ جنوبی کوریا پاکستان کوں 2 دے مقابلے اچ 6 گول توں ہر ݙتے۔ جنوبی کوریا میچ دی شروعات جارحانہ انداز نال کریندے پہلے کوارٹر اچ ݙو گول سکور کیتے۔ تریجھے کوارٹر اچ کورین ٹیم ٻئے ترائے گول کر تے اپݨی برتری مستحکم کر ڳھدی ڄݙاں جو چوتھے کوارٹر اچ ہک ٻیا گول کر تے مجموعی سکور 6-2 کر ݙتا۔ پاکستان ولوں ݙوجھے کوارٹر اتے تریجھے کوارٹر اچ ہک ہک گول سکور کیتا ڳیا، ٻھل قومی ٹیم شکست توں نہ بچ سڳی۔ پاکستان آخری میچ تاں ہر ڳئے ٻھل قومی ٹیم چار میچاں دی سیریز مجموعی طور تے 3-1 نال اپݨے ناویں کر گھدی۔ پاکستان ہاکی مینجمنٹ چوتھے میچ اچ مستقبل دی تیاری سانڳے انڈر 21 کھݙاریاں کوں موقع ݙتا تاں جو نوجوان ٹیلنٹ کوں بین الاقوامی سطح تے تجربہ حاصل تھی سڳے۔