برطانوی اوپن اچ پاکستان رائفل ٹیم دی شاندار کارکردگی، 12 شوٹراں 13 میڈلز جِت گھدن

اسلام آباد۔ 11 اگست(اے پی پی)برطانوی اوپن 2026 اچ پاکستان رائفل ٹیم شاندار کارکردگی ݙکھیندے ہوئیں 7 گولڈ، 2 سلور اتے 4 کانسی دے تمغیاں سودھا مجموعی طور تے 13 میڈلز اپݨے ناویں کر ڳھدن۔ برطانوی اوپن 2026 اچ 24 ملکاں توں تقریباً 185 عالمی معیار دے شوٹراں شرکت کیتی۔ پاکستان ایونٹ اچ دنیا دے گھٹ ترین دستیاں اچوں ہک نال شرکت کیتی، ٻھل محدود تعداد دے باوجود پاکستانی شوٹراں غیر معمولی کارکردگی ݙکھائی۔ پاکستان ولوں احسن گل 1000 گز انڈر 25 اتے ایگریگیٹ 1000 گز انڈر 25 مقابلیاں اچ گولڈ میڈلز جیتئن۔ حذیفہ گل برطانوی اوپن دے مختلف مقابلیاں اچ شاندار کارکردگی نال 4 گولڈ، 2 سلور اتے ہک کانسی دا تمغہ اپݨے ناں کیتے۔ محمد ولید 1000 گز دے مقابلے اچ گولڈ میڈل جِتئے اتے ایف ٹی آر ایگریگیٹ مقابلے اچ کانسی دا تمغہ حاصل کیتے۔ پاکستانی شوٹراں 800 اتے 900 گز دے مختلف مقابلیاں اچ وی بہترین کامیابیاں حاصل کیتن۔ پاکستان لانگ رینج رائفل ایسوسی ایشن دے مطابق برطانوی اوپن 2026 عالمی چیمپئن شپ کیتے پاکستان ٹیم دی تیاری دا اہم مرحلہ ہئی۔ قومی رائفل ٹیم دی شاندار کارکردگی عالمی چیمپئن شپ توں پہلے کھِݙاریاں دا مورال وی اچا کر ݙتے۔ 7ویں ایف کلاس ورلڈ چیمپئن شپ 10 توں 16 اگست تئیں برطانیہ اچ جاری رہسی۔ برطانوی اوپن اچ کامیابی دے بعد پاکستان ٹیم عالمی چیمپئن شپ اچ قومی پرچم اچا رکھݨ کیتے پُراعتماد اے۔