اسلام آباد (اے پی پی) وفاقی وزیرِ توانائی سردار اویس احمد خان لغاری قوم کوں پاکستان دے 80ویں یومِ آزادی تے دلوں مبارخ ݙیندے آکھیے جو آزادی اساݙے بزرگاں دی عظیم جدوجہد تے لازوال قربانیاں دا ثمر اے، یومِ آزادی اساں کوں قومی یکجہتی، ملکی مفاد تے پاکستان دی ترقی و خوشحالی کیتے متحد تھی تے اڳوں ودھݨ دا پیغام ݙیندے، قائدِ اعظم محمد علی جناحؒ دے وژن موجب ہک …
وفاقی وزیرِ توانائی سردار اویس احمد خان لغاری دی قوم کوں پاکستان دے 80ویں یومِ آزادی تے مبارخ
اسلام آباد (اے پی پی) وفاقی وزیرِ توانائی سردار اویس احمد خان لغاری قوم کوں پاکستان دے 80ویں یومِ آزادی تے دلوں مبارخ ݙیندے آکھیے جو آزادی اساݙے بزرگاں دی عظیم جدوجہد تے لازوال قربانیاں دا ثمر اے، یومِ آزادی اساں کوں قومی یکجہتی، ملکی مفاد تے پاکستان دی ترقی و خوشحالی کیتے متحد تھی تے اڳوں ودھݨ دا پیغام ݙیندے، قائدِ اعظم محمد علی جناحؒ دے وژن موجب ہک مضبوط، خودمختار تے خوشحال پاکستان دی تعمیر اساݙا قومی عزم اے۔ جاری پیغام وچ وفاقی وزیر آکھیا جو پاکستان دی سلامتی تے خودمختاری دے دفاع کیتے پوری قوم اپݨی بہادر مسلح افواج دے نال کھڑی اے۔ معرکہ حق وچ کامیابی قوم دے عزم، اتحاد تے حوصلے کوں نویں قوت بخشئی اے۔ وفاقی وزیر آکھیا جو پاکستان دی ترقی وچ ہر شہری دا کردار اہم اے۔ ملک دی تعمیر و ترقی کیتے ہر فرد اپݨی صلاحیتیاں تے توانائیاں کوں قومی خدمت کیتے بروئے کار گھن آوے تے پاکستان کوں ترقی و خوشحالی دی نویں منزلاں تئیں پڄاوݨ وچ اپݨا کردار ادا کرے۔ سردار اویس احمد خان لغاری دعا کیتی جو اللہ تعالیٰ پاکستان کوں ہمیشہ امن، استحکام، ترقی تے خوشحالی عطا فرماوے تے وطنِ عزیز کوں مزید تکڑا تے مستحکم بݨاوے۔
