پاکستان بے پناہ قربانیاں دا ثمر اے، چیف جسٹس وفاقی آئینی عدالت امین الدین خان

اسلام آباد (اے پی پی) چیف جسٹس وفاقی آئینی عدالت جسٹس امین الدین خان آکھیے جو پاکستان بے پناہ قربانیاں دا ثمر اے، اساں کوں اپݨے وݙیں دیاں قربانیاں توں آوݨ آلی نسلاں کوں روشناس کراوݨا اے، پاکستان ݙے بے پناہ وسائل موجود ہن، اساں کنے سارا کجھ موجود اے، صرف توجہ کرݨ دی لوڑھ اے۔ یومِ آزادی دے موقع تے وفاقی آئینی عدالت وچ منعقدہ پرچم کشائی دی پروقار تقریب نال خطاب کریندے چیف جسٹس امین الدین خان آکھیا جو پاکستان اساݙے بزرگاں دی بے مثال قربانیاں دے نتیجے وچ معرضِ وجود وچ آیا، اساں کوں انھاں قربانیاں دی قدر کریندے ملک دی ترقی تے خوشحالی کیتے آپݨا کردار ادا کرݨا اے۔ انہاں اکھیا جو نویں نسل کوں قیامِ پاکستان کیتے ݙتی ونڄݨ آلی قربانیاں تے جدوجہد دا ݙساوݨ اساݙی ذمہ واری اے تاں جو  آوݨ آلی نسلاں اپݨے اجداد دی قربانیاں تے آزادی دی قدر و قیمت توں روشناس رہن۔ چیف جسٹس وفاقی آئینی عدالت آکھیا جو پاکستان دے کنے بے پناہ وسائل موجود ہن، اساں کنے سارا کجھ اے تے صرف توجہ کرݨ تے انھاں وسائل کوں درست سمت وچ بروئے کار گھن آوݨ دی لوڑھ اے۔ ایں موقع تے چیف جسٹس وفاقی آئینی عدالت جسٹس امین الدین خان عدالت دے ججاں دے رلے پرچم کشائی کیتی تے یومِ آزادی دا کیک وی کٹیا۔ چیف جسٹس امین الدین خان اہل وطن کوں یومِ آزادی دی مبارخ وی ݙتی۔