یومِ آزادی تے اساں تحریکِ پاکستان دے قائدین تے کارکناں کوں وی سلام پیش کریندوں، نائب وزیراعظم محمد اسحاق ڈار

اسلام آباد۔14 اگست (اے پی پی) نائب وزیرِاعظم و وزیرِ خارجہ سینیٹر محمد اسحاق ڈار 80ویں یومِ آزادی دے پرمسرت موقع تے آکھیے جو میں پاکستان دے عوام، ٻاہرلے ملک اپݨے ہم وطناں تے ایں تاریخی ݙینھ دی خوشیاں وچ اساݙے نال شریک سارے لوکاں کوں دلوں مبارخ تے مخلصانہ نیک خواہشات پیش کرینداں۔ یومِ آزادی مناوݨ دے نال، اساں قائدِ اعظم محمد علی جناحؒ کوں خراجِ عقیدت پیش کریندوں، جنہاں دی بصیرت افروز قیادت، غیر متزلزل عزم تے پختہ وابستگی ہک انڄ وطن دی خواہش کوں حقیقت دا روپ ݙتا۔ یومِ آزادی دے موقع تے نائب وزیراعظم سینیٹر محمد اسحاق ڈار آکھیا جو اڄ اساں تحریکِ پاکستان دے قائدین تے کارکناں کوں وی سلام پیش کریندوں، جنہاں دی شجاعت، لگن تے بے لوث قربانیاں اساݙی آزاد ریاست دی بنیاداں استوار کیتیاں۔ انہاں اکھیا جو آزادی دے بعد توں ہݨ تئیں ، پاکستان اتحاد، ایمان تے نظم و ضبط دے لازوال اصولاں دی روشنی وچ مختلف شعبیں وچ نمایاں پیش رفت کیتی اے۔ اساں 25 کروڑ توں ودھ لوکاں  تے مشتمل ہک باہمت تے غیور قوم ہیسے، جیڑھی مشترکہ تاریخ، تہذیبی ورثے تے سانجھی امنگاں دے رشتے وچ ڳنڈھی ہوئی اے ۔ انہاں اکھیا جو تعلیم، سائنس و ٹیکنالوجی، اقتصادی ترقی، کھیݙ، ثقافت تے ٻئے شعبیں وچ اساݙی کامیابیاں اساݙے عوام دی قابلیت، عزم تے بے پناہ صلاحیتاں دی آئنہ دار ہن۔