لندن۔14 اگست (اے پی پی) پاکستان ہائی کمیشن لندن وچ یومِ آزادی پاکستان دی تقریب روایتی جوش و جذبے دے نال منائی ڳئی، چیئرمین کشمیر کمیٹی رانا محمد قاسم نون تقریب وچ بطور مہمانِ خصوصی شرکت کیتی۔ تقریب وچ پاکستانی کمیونٹی دے وݙی تعداد وچ لوکاں، میڈیا دے نمائندگان تے پاکستان ہائی کمیشن دے افسران اپݨے اہلِ خانہ دے رلے شرکت کیتی۔ لندن ہائی کمیشن توں جاری بیان موجب برطانیہ …
پاکستان ہائی کمیشن لندن وچ یومِ آزادی پاکستان دی تقریب روایتی جوش و جذبے دے نال منائی ڳئی
مزید خبراں
لندن۔14 اگست (اے پی پی) پاکستان ہائی کمیشن لندن وچ یومِ آزادی پاکستان دی تقریب روایتی جوش و جذبے دے نال منائی ڳئی، چیئرمین کشمیر کمیٹی رانا محمد قاسم نون تقریب وچ بطور مہمانِ خصوصی شرکت کیتی۔ تقریب وچ پاکستانی کمیونٹی دے وݙی تعداد وچ لوکاں، میڈیا دے نمائندگان تے پاکستان ہائی کمیشن دے افسران اپݨے اہلِ خانہ دے رلے شرکت کیتی۔ لندن ہائی کمیشن توں جاری بیان موجب برطانیہ وچ پاکستان دے ہائی کمشنر ٹیپو عثمان قومی ترانے دی دھن دے نال پاکستان دا پرچم لہرایا، خصوصی تقریب دا آغاز تلاوتِ کلامِ پاک نال تھیا۔ ایں موقع تے صدرِ پاکستان، وزیراعظم پاکستان تے نائب وزیراعظم/وزیرِ خارجہ پاکستان دے پیغامات وی پڑھ تے سݨائے ڳئے۔ اپݨے خطاب وچ ہائی کمشنر ٹیپو عثمان قوم دے بانیان دے وژن تے انہاں دی قربانیاں کوں خراجِ عقیدت پیش کیتا۔ انہاں قائدِ اعظم محمد علی جناحؒ دی قیادت دی تعریف کریندے انھاں سارے مرداں تے تریمتاں کوں خراجِ تحسین پیش کیتا جنہاں دے غیر متزلزل اتحاد، جدوجہد تے ثابت قدمی پاکستان دی آزادی کوں ممکن بݨایا۔ ہائی کمشنر آکھیا جو برطانیہ وچ رہݨ آلے پاکستانی تارکینِ وطن پاکستان دے حقیقی سفیر ہن۔
