صدرِ مملکت آصف علی زرداری دی جنوبی کوریا دی قیادت کوں انہاں دے قومی ݙینہہ تے مبارکباد

اسلام آباد (اے پی پی) صدرِ مملکت آصف علی زرداری جنوبی کوریا دے صدر لی جے میونگ، جنوبی کوریا دی حکومت تے عوام کوں انہاں دے قومی ݙینہہ تے یومِ آزادی تے مبارکباد ݙتی اے۔ چھݨ چھݨ وار کوں ایوانِ صدر دے پریس ونگ توں جاری بیان دے مطابق صدرِ مملکت آپݨے خط اچ ایں ڳالھ کوں اجاگر کیتا جو پاکستان جنوبی کوریا نال آپݨے دوستانہ تعلقات کوں انتہائی قدر دی نگاہ نال ݙیکھدے۔ انہاں اکھیا جو گزریل کئی ݙہاکیاں توں باہمی اعتماد، قریبی تعاون تے ݙوپاسہ تے کثیر الجہتی روابط تے مبنی انھاں تعلقات اچ مسلسل اضافہ تھیے۔ صدرِ مملکت آصف علی زرداری ایں اعتماد دا اظہار کیتا جو ݙوہیں ممالک آپسی دلچسپی دے شعبیاں بشمول سیاسی روابط، تجارت، سرمایہ کاری تے عوامی سطح تے روابط اچ تعاون کوں وسعت ݙیندے راہسن۔ صدرِ مملکت اکھیا جو او ݙوہیں قوماں تے انہاں دے عوام دے آپسی فائدے کیتے ݙوپاسہ شراکت داری کوں ٻیا مضبوط بݨاوݨ کیتے جنوبی کوریا دی قیادت نال تل تے کم کرݨ دے خواہاں ہن۔