سیلاب توں متاثرہ علاقیاں اچ عوام کوں ہر ممکن امداد تے ریلیف فراہم کرݨ کیتے تمام دستیاب وسائل استعمال کیتے ونڄن: وزیراعظم

اسلام آباد (اے پی پی) وزیرِ اعظم محمد شہباز شریف این ڈی ایم اے کوں متعلقہ صوبائی اداریاں تے پی ڈی ایم ایز نال موثر رابطے تے سیلاب توں متاثرہ علاقیاں اچ عوام کوں ہر ممکن امداد تے ریلیف فراہم کرݨ کیتے تمام دستیاب وسائل استعمال کرݨ دی ہدایت کیتی اے۔ وزیراعظم محمد شہباز شریف نال چیئرمین این ڈی ایم اے لیفٹیننٹ جنرل انعام حیدر ملک چھݨ چھݨ وار کوں اتھاں ملاقات کیتی۔ وزیراعظم آفس دے میڈیا ونگ توں جاری بیان دے مطابق وزیرِ اعظم نیشنل ایمرجنسیز آپریشن سینٹر اچ اے آئی تے جدید ٹیکنالوجی دے استعمال کوں سراہندے ہوئے ہدایت کیتی جو سیلاب توں متاثرہ علاقیاں اچ عوام کوں ہر ممکن امداد تے ریلیف فراہم کرݨ کیتے تمام دستیاب وسائل استعمال کیتے ونڄن۔ وزیرِ اعظم این ڈی ایم اے کوں متعلقہ صوبائی اداریاں تے پی ڈی ایم ایز نال موثر رابطہ رکھݨ دی وی ہدایت کیتی۔ چیئرمین این ڈی ایم اے وزیراعظم کوں ملک دی موسمیاتی صورتحال، بالخصوص مون سون بارشاں دے پیشِ نظر سیلاب دی صورتحال بارے آگاہ کیتا۔ انہاں وزیراعظم کوں سیلاب توں متاثرہ علاقیاں اچ امدادی سرگرمیاں تے متاثرین دی بحالی کیتے کیتے ونڄݨ آلے اقدامات دا وی ݙسیا۔ انہاں ݙسایا جو وفاقی حکومت دے تعاون نال خیبر پختونخوا، گلگت بلتستان تے آزاد کشمیر اچ این ڈی ایم اے دی جانب توں سیلاب توں متاثرہ علاقیاں اچ امدادی کارروائیاں جاری رہسن۔