نائب وزیراعظم تے وزیر خارجہ محمد اسحاق ڈار دا ترک ہم منصب نال ٹیلیفونک رابطہ، خطے دی اڄوکی صورتحال تے ڳالھ مہاڑ

اسلام آباد (اے پی پی) نائب وزیراعظم تے وزیر خارجہ سینیٹر محمد اسحاق ڈار ترکیہ دے وزیر خارجہ ہاکان فیدان نال ٹیلیفونک رابطہ کیتا اتے خطے دی اڄوکی صورتحال تے ڳالھ مہاڑ کیتی۔ سنوار کوں وزارت خارجہ توں جاری بیان دے مطابق ݙوہیں وزرائے خارجہ خطے دی اڄوکی صورتحال تے ڳالھ مہاڑ کیتی اتے آپسی دلچسپی دے معاملیاں تے تعاون کوں ٻیا مضبوط بݨاوݨ دے عزم دا اعادہ کیتا۔ انہاں ایں ڳالھ تے اتفاق کیتا جو علاقائی چیلنجز نال نٻڑݨ تے امن و استحکام دے فروغ کیتے مکالمہ تے سفارت کاری بہترین راہ اے۔