سپیکر قومی اسمبلی دا 9 دہشت گرداں کوں واصلِ جہنم کرݨ تے سکیورٹی فورسز کوں خراجِ تحسین

اسلام آباد (اے پی پی) سپیکر قومی اسمبلی سردار ایاز صادق زیارت، ہرنائی تے سوراب وچ دہشت گردیاں دے خلاف کامیاب آپریشن دے دوران 9 توں ودھ دہشت گرداں کوں واصلِ جہنم کرݨ تے سکیورٹی فورسز کوں خراجِ تحسین پیش کیتے۔ منگل کوں ہک سنیھے اچ انہاں اکھیا جو بلوچستان وچ سکیورٹی فورسز دیاں کامیاب کارروائیاں قابلِ تحسین ہن، انہاں دہشت گرداں دے مذموم عزائم کوں ناکام بݨایا، دہشت گردی دے مکمل خاتمے کیتے قوم تے سکیورٹی فورسز دا غیر متزلزل عزم لائقِ تحسین اے۔ انہاں آکھیا جو قوم دہشت گردی دے خلاف جنگ وچ سکیورٹی فورسز دے نال کھڑی اے، بلوچستان وچ امن تے استحکام کیتے سکیورٹی فورسز دی قربانیاں ناقابلِ فراموش ہن۔ انہاں دا آکھݨ ہئی جو دہشت گردی دے خلاف جنگ وچ سکیورٹی فورسز دی کامیابیاں حوصلہ افزا ہن، بلوچستان وچ پائیدار امن کیتے دہشت گرداں دا مکمل خاتمہ ضروری اے۔