ملک وچ سارے دریا معمول تے وہندے پئن، حالی کتھائیں چھل دا خطرہ کائنی ، وفاقی وزیر آبی وسائل معین وٹو

اسلام آباد۔18اگست (اے پی پی) وفاقی وزیر آبی وسائل معین وٹو آکھیے جو ملک وچ سارے دریا معمول تے وہندے پئن تے کہیں جاہ تے چھل دا خطرہ کائنی۔ قومی اسمبلی وچ نکتہ اعتراض تے پاکستان پیپلز پارٹی دے رکن سید حسین طارق آکھیا جو گزریل کجھ ݙہاکیں توں دریائے سندھ سمیت ٻنہاں دریاواں وچ پاݨی دے وہݨ اچ ودھارے پاروں چھل دا سامݨا کرݨا پوندے ، ایں توں پنجاب تے سندھ وچ ضیان تھیندے ، بھارت دی طرفوں وی پاݨی کوں بطور ہتھیار استعمال کیتا ویندے، ایں تے وزیر بریف کرن۔ وفاقی وزیر معین وٹو آکھیا جو زراعت تے عام لوک جیڑھے چھل دی زد وچ آندن او فکر مند ہوندن، انہاں کوں آگاہی دی لوڑھ اے۔ انہاں ݙسایا حالی سارے دریا معمول تے وہندے پئن، تربیلا ڈیم وچ وی پاݨی استعداد موجب اے، چھل دی صورتحال کائنی، 550 فٹ تئیں پاݨی دا ذخیرہ اے۔