میانوالی۔18اگست(اے پی پی)وفاقی وزیر داخلہ محسن نقوی شمالی وزیرستان اچ خوارجی دہشت گرداں دا بہادری نال مقابلہ کریندے شہید تھیوݨ آلے میجر احسان دے گھر ڳئن اتے انہاں دے ٹٻر نال دلی ہمدردی کیتی اتے افسوس کیتے۔ ترجمان وزارتِ داخلہ دے مطابق وفاقی وزیر داخلہ میانوالی اچ شہید دے گھر ونڄ تے انہاں دے درجات دی بلندی کیتے فاتحہ خوانی کیتی، انہاں دے والد نال ملین اتے انہاں دے اچے …
وفاقی وزیر داخلہ محسن نقوی دی شهید میجر احسان دے گھر ونڄ تے ٹٻر کوں پرچاوݨی
میانوالی۔18اگست(اے پی پی)وفاقی وزیر داخلہ محسن نقوی شمالی وزیرستان اچ خوارجی دہشت گرداں دا بہادری نال مقابلہ کریندے شہید تھیوݨ آلے میجر احسان دے گھر ڳئن اتے انہاں دے ٹٻر نال دلی ہمدردی کیتی اتے افسوس کیتے۔ ترجمان وزارتِ داخلہ دے مطابق وفاقی وزیر داخلہ میانوالی اچ شہید دے گھر ونڄ تے انہاں دے درجات دی بلندی کیتے فاتحہ خوانی کیتی، انہاں دے والد نال ملین اتے انہاں دے اچے حوصلے اتے حب الوطنی دے بے مثال جذبے کوں خراجِ تحسین پیش کیتا۔ محسن نقوی شہید دے ٻالاں نال وی خصوصی شفقت ݙکھائی اتے پرسہ ݙتے۔ وزیر داخلہ مادرِ وطن دے دفاع کیتے قربانیاں کوں سراہندے آکھیا جو شہید میجر احسان دا عزم اتے جذبہ ہی ساݙی قوم دی اصل قوت اے، ساݙے شہداء دے خون دا ہک ہک قطرہ ایں وطن دے تحفظ اتے بقاء دی ضمانت اے۔
