اسلام آباد۔19اگست (اے پی پی) نائب وزیراعظم تے وزیرِ خارجہ سینیٹر محمد اسحاق ڈار 2027 وچ پاکستان دی میزبانی وچ تھیوݨ آلے شنگھائی تعاون تنظیم (ایس سی او) سربراہی اجلاس دے حوالے نال اتھاں ہک اجلاس دی صدارت کیتی۔ بدھ کوں دفترِ خارجہ دے مطابق چیئرمین سی ڈی اے اجلاس کوں مختلف ترقیاتی تے انفراسٹرکچر منصوبیاں تے پیشرفت بارے بریفنگ ݙتی۔ نائب وزیراعظم جاری تیاریاں تے اطمینان دا اظہار کریندیں …
نائب وزیراعظم دی صدارت اجلاس، 2027 وچ شنگھائی تعاون تنظیم سربراہی اجلاس دی تیاریاں دا جائزہ گھدا ڳیا
اسلام آباد۔19اگست (اے پی پی) نائب وزیراعظم تے وزیرِ خارجہ سینیٹر محمد اسحاق ڈار 2027 وچ پاکستان دی میزبانی وچ تھیوݨ آلے شنگھائی تعاون تنظیم (ایس سی او) سربراہی اجلاس دے حوالے نال اتھاں ہک اجلاس دی صدارت کیتی۔ بدھ کوں دفترِ خارجہ دے مطابق چیئرمین سی ڈی اے اجلاس کوں مختلف ترقیاتی تے انفراسٹرکچر منصوبیاں تے پیشرفت بارے بریفنگ ݙتی۔ نائب وزیراعظم جاری تیاریاں تے اطمینان دا اظہار کریندیں ہوئیں تمام متعلقہ فریقین کوں تمام انتظامات ویلھے تے مکمل کرݨ دی ہدایت کیتی۔ نائب وزیراعظم ایں ڳالھ تے زور ݙتا جو پاکستان شنگھائی تعاون تنظیم دے اجلاساں دی کامیاب میزبانی تے اعلیٰ ترین معیار دے انتظامات کوں یقینی بݨاوݨ کیتے مکمل طور تے پُرعزم اے۔ انہاں شنگھائی تعاون تنظیم دی کارروائی کوں ہموار، منظم تے کامیاب بݨاوݨ کیتے تمام متعلقہ اداریاں وچال قریبی رابطے دی ضرورت تے زور ݙتا۔ اجلاس وچ معاونِ خصوصی برائے وزیراعظم طارق باجوہ، سیکرٹری خارجہ آمنہ بلوچ، سیکرٹری داخلہ احمد رضا سرور، چیئرمین سی ڈی اے، نیشنل کوآرڈینیٹر ایس سی او تے متعلقہ وزارتاں دے ٻئے اعلیٰ حکام شرکت کیتی۔
