اسلام آباد۔19اگست (اے پی پی) نائب وزیراعظم تے وزیرِ خارجہ سینیٹر محمد اسحاق ڈار آکھیا جو عالمی یومِ انسانی ہمدردی دے موقع تے پاکستان عالمی برادری دے نال رَل تے انہاں تمام انسانی خدمت گاراں تے رضاکاراں کوں خراجِ تحسین پیش کریندے جو ضرورت دے ویلھے لوکاں دی مدد کیتے آپݨے آپ کوں وقف کر ݙیندن۔ بدھ کوں دفترِ خارجہ دے مطابق انسانی ہمدردی دے عالمی ݙینہہ دے موقع تے …
پاکستان کوں سخاوت، رضاکارانہ خدمات تے معاشرتی خدمت دی آپݨی پراݨی روایتاں تے فخر اے: نائب وزیراعظم اسحاق ڈار دا انسانی ہمدردی دے عالمی ݙینہہ دے موقع تے سنیھا
اسلام آباد۔19اگست (اے پی پی) نائب وزیراعظم تے وزیرِ خارجہ سینیٹر محمد اسحاق ڈار آکھیا جو عالمی یومِ انسانی ہمدردی دے موقع تے پاکستان عالمی برادری دے نال رَل تے انہاں تمام انسانی خدمت گاراں تے رضاکاراں کوں خراجِ تحسین پیش کریندے جو ضرورت دے ویلھے لوکاں دی مدد کیتے آپݨے آپ کوں وقف کر ݙیندن۔ بدھ کوں دفترِ خارجہ دے مطابق انسانی ہمدردی دے عالمی ݙینہہ دے موقع تے آپݨے سنیھے وچ انہاں آکھیا جو اے ݙینہہ اساکوں ہمدردی، خدمت تے آفات تے ٻئے ہنگامی حالات توں متاثرہ افراد دے نال کھڑے تھیوݨ دی اہمیت دی یاد ݙویندے۔ نائب وزیراعظم آکھیا جو اے ایں عزم دی تجدید دا موقع وی اے جو اساں اجتماعی طور تے کمزور تے متاثرہ طبقات دی مدد تے انسانیت دی خدمت کیتے آپݨا کردار ادا کریندے رہوں۔ انہاں اکھیا جو پاکستان کوں سخاوت، رضاکارانہ خدمات تے معاشرتی خدمت دی آپݨی دیرینہ روایت تے فخر اے۔
