اسلام آباد۔19اگست(اے پی پی)وزیراعظم محمد شہباز شریف ملکی ترقی اتے انسانی ہمدردی بارے ترجیحات، بالخصوص موسمیاتی تبدیلیاں دے اثرات نال نمٹݨ دی صلاحیت، پائیدار ترقی اتے قدرتی آفات سانڳے اقوامِ متحدہ دی مسلسل معاونت کوں سراہندے امید کیتی اے جو پاکستان اتے اقوامِ متحدہ وچال قریبی شراکت داری ٻئی ودھسی۔ او اسلام آباد اچ پاکستان اچ اقوامِ متحدہ دے ریذیڈنٹ و ہیومینٹیرین کوآرڈینیٹر محمد یحییٰ نال ملݨ ویلھے الیندے پئے …
وزیراعظم محمد شہباز شریف نال پاکستان اچ اقوامِ متحدہ دے ریذیڈنٹ و ہیومینٹیرین کوآرڈینیٹر محمد یحییٰ دی ملاقات
اسلام آباد۔19اگست(اے پی پی)وزیراعظم محمد شہباز شریف ملکی ترقی اتے انسانی ہمدردی بارے ترجیحات، بالخصوص موسمیاتی تبدیلیاں دے اثرات نال نمٹݨ دی صلاحیت، پائیدار ترقی اتے قدرتی آفات سانڳے اقوامِ متحدہ دی مسلسل معاونت کوں سراہندے امید کیتی اے جو پاکستان اتے اقوامِ متحدہ وچال قریبی شراکت داری ٻئی ودھسی۔ او اسلام آباد اچ پاکستان اچ اقوامِ متحدہ دے ریذیڈنٹ و ہیومینٹیرین کوآرڈینیٹر محمد یحییٰ نال ملݨ ویلھے الیندے پئے ہن۔ وزیراعظم شہبازشریف، محمد یحییٰ دا انہاں دے دورِ تعیناتی اچ پاکستان اتے اقوامِ متحدہ دے تعاون کوں مضبوط بݨاوݨ سانڳے شاندار خدمات تے انہاں دا شکریہ ادا کیتے۔ انہاں پاکستان دی ترقی اتے انسانی ہمدردی بارے ترجیحات بالخصوص موسمیاتی تبدیلیاں دے اثرات توں نمٹݨ دی صلاحیت، پائیدار ترقی اتے قدرتی آفات نال نمٹݨ کیتے اقوامِ متحدہ دی ٹیم دی مسلسل معاونت کوں وی سراہیا۔ وزیراعظم پاکستان کیتے عالمی حمایت حاصل کرݨ کیتے اقوامِ متحدہ دے کردار بالخصوص 2022ء دے سیلاب اچ اقوامِ متحدہ دیاں کوشساں کوں سراہیا۔ وزیراعظم محمد یحییٰ کوں اقوامِ متحدہ دے دفترِ رابطہ برائے انسانی امور اچ اسسٹنٹ سیکرٹری جنرل انسانی امور تے ڈپٹی ایمرجنسی ریلیف کوآرڈینیٹر مقرر تھیوݨ تے مبارکباد ݙتی۔ انہاں نویاں ذمہ داریاں سنبھالݨ تے محمد یحییٰ کیتے نیک خواہشات پچائن۔ محمد یحییٰ آپݨے دورِ اچ حکومتِ پاکستان ولوں انہاں کوں اتے اقوامِ متحدہ دی کنٹری ٹیم کوں مکمل تعاون شکریہ ادا کیتے۔ انہاں پاکستان دی ترقی اتے انسانی ہمدردی دے ایجنڈے دی حمایت جاری رکھݨ کیتے اقوامِ متحدہ دا عزم دوہرایا۔ نائب وزیراعظم تے وزیرِ خارجہ سینیٹر محمد اسحاق ڈار، معاونِ خصوصی وزیراعظم سید طارق فاطمی اتے ٻئے اعلیٰ سرکاری حکام وی ملاقات اچ موجود ہن۔
