نیشنل کلائمیٹ جسٹس یوتھ فلم فیسٹیول 2026: یونیورسٹی آف سندھ جامشورو دے شعبہ میڈیا اینڈ کمیونیکیشن سٹڈیز دے طلبہ دی شاندار کارکردگی، تریڄھی پوزیشن ڳھدی

اسلام آباد، 19 اگست(اے پی پی)یونیورسٹی آف سندھ جامشورو دے شعبہ میڈیا اینڈ کمیونیکیشن سٹڈیز دے طالب علماں نیشنل کلائمیٹ جسٹس یوتھ فلم فیسٹیول 2026 اچ شاندار کارکردگی ݙکھیندے تریجھی پوزیشن ڳھدی اے۔ فیسٹیول دا موضوع “الیکٹرک گاݙیاں اتے موسمیاتی تبدیلی نال نمٹݨ کیتے انہاں دا کردار” ہئی۔ مختلف جامعات دے طالب علماں تے نوجوان فلم سازاں فیسٹیول اچ شرکت کیتی اتے موسمیاتی تبدیلی، ماحولیاٹی چیلنجز اتے ممکنہ حل کوں اڳونہا کرݨ والیاں دستاویزی فلماں پیش کیتن۔ یونیورسٹی آف سندھ دی فاتح ٹیم اچ شعبہ میڈیا اینڈ کمیونیکیشن سٹڈیز دے طالب علم شایان علی، علیشہ رند، شہناز بلوچ اتے ذوالفقار لاشاری شامل ہن۔ انہاں دی ایں کامیابی قومی سطح دے فیسٹیول اچ یونیورسٹی اتے شعبے کیتے ہک وݙی سنڄاݨ بݨائی اے۔ ایں موقع تے سینیٹر پونجا مل اتے وائس چانسلر سندھ یونیورسٹی پروفیسر ڈاکٹر فتح مری کامیاب طالب علماں کوں انعامات ونݙین۔ وائس چانسلر پروفیسر ڈاکٹر فتح مری طالب علماں دیاں صلاحیتاں اتے فیسٹیول اچ دستاویزی فلماں دے معیار دی تعریف کیتی اتے آکھیا جو اے ویلھا آڳئے جو نوجوان موسمیاتی تبدیلی دے ودھدے چیلنجز نال نمٹݨ کیتے فعال کردار ادا کرن، موسمیاتی تبدیلیاں بارے اقدامات اچ نوجواناں کوں شامل کرݨ ہک مثبت اتے ضروری قدم اے، نوجوان نہ صرف ساݙا مستقبل ہین ٻھل موسمیاتی بحران دے حل دا ہک اہم حصہ وی ہین۔ تقریب اچ سندھ زرعی یونیورسٹی ٹنڈو جام دے پروفیسر ڈاکٹر اسماعیل کنبھر، چیئرمین شعبہ میڈیا اینڈ کمیونیکیشن سٹڈیز سندھ یونیورسٹی جامشورو ڈاکٹر محمد قاسم نظامانی اتے سینئر ٹیکنیکل ایڈوائزر شعبہ میڈیا اینڈ کمیونیکیشن سٹڈیز سندھ یونیورسٹی جامشورو ذوالفقار پنہور وی شرکت کیتی۔