اسلام آباد۔20اگست (اے پی پی) صدرِ مملکت آصف علی زرداری آندراش باکا کوں ہنگری دا صدر منتخب تھیوݨ تے، تے ہنگری دے عوام کوں انہاں دے قومی ݙینھ تے مبارکباد ݙیندیں ہوئیں ݙوہیں ملکاں وچال ݙوپاسہ شراکت داری کوں مضبوط بݨاوݨ دی لوڑھ تے زور ݙتے۔ ایوانِ صدر دے پریس ونگ دے مطابق خمیس کوں آپݨے تہنیتی سنیھے اچ صدرِ مملکت ایں اعتماد دا اظہار کیتا جو آپسی اعتماد تے …
صدرِ مملکت دی ہنگری دے نو منتخب ہم منصب کوں مبارکباد
اسلام آباد۔20اگست (اے پی پی) صدرِ مملکت آصف علی زرداری آندراش باکا کوں ہنگری دا صدر منتخب تھیوݨ تے، تے ہنگری دے عوام کوں انہاں دے قومی ݙینھ تے مبارکباد ݙیندیں ہوئیں ݙوہیں ملکاں وچال ݙوپاسہ شراکت داری کوں مضبوط بݨاوݨ دی لوڑھ تے زور ݙتے۔ ایوانِ صدر دے پریس ونگ دے مطابق خمیس کوں آپݨے تہنیتی سنیھے اچ صدرِ مملکت ایں اعتماد دا اظہار کیتا جو آپسی اعتماد تے مشترکہ مفادات تے مبنی پاکستان تے ہنگری دے تعلقات آندے سالاں وچ مضبوط تر ہوسن۔ انہاں اکھیا جو او ݙوپاسہ تعاون بالخصوص سیاسی تے پارلیمانی تبادلیاں، تجارت تے سرمایہ کاری، ترقیاتی تعاون، موسمیاتی اقدامات، تعلیم، ثقافت تے ہجرت تے نقل و حرکت دے شعبیاں اچ ٻیا ودھاوݨ کیتے نو منتخب صدر آندراش باکا نال رَل تے کام کرݨ چاہندن۔ صدرِ مملکت ہنگری دے نو منتخب صدر دی صحت، عافیت تے کامیابی دے نال نال ہنگری دے عوام دی ترقی تے خوشحالی کیتے آپݨی نیک تمناواں دا وی اظہار کیتا۔
