اسلام آباد۔20اگست(اے پی پی)وزیرِ اعظم محمد شہباز شریف پاکستان اتے شام دے تاریخی اے ݙاݙھے ڳھاٹے تعلقات دا ݙسیندے ݙوہان ملکاں دے دوستانہ تعلقات کوں سیاست، دفاع، تجارت، سرمایہ کاری، تعلیم اتے انسانی وسائل دی ترقی سودھا مختلف شعبیاں اچ عملی تعاون اچ وٹاوݨ تے زور ݙتے۔ وزیرِ اعظم محمد شہباز شریف نال شام دے وزیرِ خارجہ اسعد حسن ملین۔ وزیرِ اعظم شامی وزیرِ خارجہ اتے انہاں دے وفد دا …
وزیرِ اعظم شہباز شریف نال شامی وزیرِ خارجہ اسعد حسن الشیبانی دی ملاقات
اسلام آباد۔20اگست(اے پی پی)وزیرِ اعظم محمد شہباز شریف پاکستان اتے شام دے تاریخی اے ݙاݙھے ڳھاٹے تعلقات دا ݙسیندے ݙوہان ملکاں دے دوستانہ تعلقات کوں سیاست، دفاع، تجارت، سرمایہ کاری، تعلیم اتے انسانی وسائل دی ترقی سودھا مختلف شعبیاں اچ عملی تعاون اچ وٹاوݨ تے زور ݙتے۔ وزیرِ اعظم محمد شہباز شریف نال شام دے وزیرِ خارجہ اسعد حسن ملین۔ وزیرِ اعظم شامی وزیرِ خارجہ اتے انہاں دے وفد دا خیرمقدم کریندے صدر احمد الشرع کیتے نیک خواہشاں پچائن اتے انہاں نال آپݨیاں ملاقاتاں دا وی ذکر کیتا۔ انہاں شام دی خودمختاری، اتحاد اتے علاقائی سالمیت کیتے پاکستان دی غیر متزلزل حمایت دا عزم دوہرایا۔ انہاں آکھیا جو ݙوہاں ملکاں وچال براہِ راست پروازاں دی بحالی نال عوامی رابطے ودھسن اتے وݙی تعداد اچ پاکستان توں شام آوݨ والے زائرین کوں وی سہولت ملسی۔ وزیرِ اعظم شام دے اتحاد، خودمختاری اتے علاقائی سالمیت کیتے پاکستان دی حمایت دا اعادہ کریندے آکھیا جو پاکستان گولان دیاں پہاڑیاں دے معاملے تے شام دے موقف دی ودھ حمایت کریسی۔ شامی وزیرِ خارجہ صدر احمد الشرع ولوں وزیرِ اعظم محمد شہباز شریف کیتے نیک خواہشاں پچائن۔ انہاں وزیرِ اعظم کوں شام دی سیاسی صورتحال اتے تعمیرِ نو دیاں کوششاں دا ݙسایا۔ شامی وزیرِ خارجہ شام کیتے پاکستان دی مسلسل حمایت تے شکریہ ادا کریندے اکھیا جو انہاں دی حکومت پاکستان نال ݙوطرفہ تعلقات ٻئے تکڑے ٻݨاوݨ اچ دلچسپی رکھیندی اے۔ انہاں تعاون کیتے تیکھے باقاعدہ ادارہ جاتی طریقہ کار ٻݨاوݨ دا وی آکھیا۔ وزیرِ اعظم صدر احمد الشرع کوں پاکستان دے سرکاری دورے دی دعوت وی ݙتی۔ ملاقات اچ نائب وزیرِ اعظم و وزیرِ خارجہ سینیٹر محمد اسحاق ڈار، وزیرِ اعظم دے معاونِ خصوصی سید طارق فاطمی تے سیکرٹری خارجہ سفیر آمنہ بلوچ وی موجود ہن۔
