مظفرگڑھ: وستی کنجال اچ دریائی کٹاؤ نال سینکڑاں گھر صفحہِ ہستی توں مٹ ڳئے: متاثرین

مظفرگڑھ۔22اگست (اے پی پی) وستی کنجال اچ دریائی کٹاؤ نال سینکڑے گھر صفحہِ ہستی توں مٹ ڳئن۔ لیہ دی وستی کنجال اچ دریائے سندھ دے شدید کٹاؤ تے تباہ کاریاں وݙے پیمانے تے آبادی کوں متاثر کیتے۔ مقامی لوکاں دے مطابق تقریباً چار توں پنج سو گھر دریا برد تھی تے صفحہِ ہستی توں مٹ ڳئن جݙاں جو متاثرہ خاندان کھلے آسمان تلے بے یار و مددگار زندگی گزارݨ تے مجبور ہن۔ متاثرین دا آکھݨ اے جو مشکل دی ایں گھڑی اچ انہاں کوں فوری امداد، خیمیاں، خوراک تے ٻئی بنیادی ضرورتاں دی اشد لوڑھ اے، جڈانجو انہاں کوں حکومتی سطح تے خاطر خواہ امداد نئی مل سڳی۔ دریائی کٹاؤ نال لیہ دے نشیبی علاقیاں وچ آبادیاں تے زرعی اراضی کوں نقصان تھیوݨ دی اطلاعواں پہلے وی سامھے آندی رہین۔ اڄوکی صورتحال اچ وستی کنجال دے متاثرین حکومتِ پنجاب تے ضلعی انتظامیہ توں فوری نوٹس گھنݨ تے متاثرہ خانداناں دی مالی و انسانی بنیاداں تے فوری امداد دا مطالبہ کیتے۔ متاثرین اپیل کیتی اے جو انہاں کوں محفوظ ڄہیں تے منتقل کرݨ، عارضی رہائش، خوراک تے ٻئی ضروری سہولتاں دی فراہمی دے نال نال دریائی کٹاؤ دی مستقل روک تھام کیتے وی عملی اقدامات کیتے ونڄن۔