انگلینڈ تے پاکستان وچال ٻیا ٹیسٹ میچ 27 اگست توں شروع تھیسی

لندن۔23اگست (اے پی پی) انگلینڈ تے پاکستان دی کرکٹ ٹیماں وچال ترائے میچاں تے مشتمل سیریز دا ٻیا ٹیسٹ میچ 27 اگست توں لندن دے لارڈز کرکٹ گراؤنڈ تے شروع تھیسی۔ سپورٹس ویب سائٹ دے مطابق انگلینڈ کوں پاکستان دے خلاف ترائے ٹیسٹ میچاں دی سیریز اچ 0-1 دی برتری حاصل اے۔ انگلینڈ لیڈز اچ کھیݙے ڳئے پہلے ٹیسٹ میچ اچ گرین شرٹس کوں ہک اننگز تے 103 رنز توں شکست ݙتی ہئی۔ ایں توں پہلے پروفیشنل کاؤنٹی کلب سلیکٹ الیون تے پاکستان دی ٹیماں وچال ایں توں پہلے ترائے ݙینھ دا وارم اپ میچ پاکستان دی ٹیم 7 وکٹاں توں جِت گھدا ہا۔ انگلینڈ تے پاکستان دی کرکٹ ٹیماں وچال ترائے میچاں تے مشتمل سیریز دا ٻیا ٹیسٹ میچ 27 توں 31 اگست تئیں انگلینڈ دے دارالحکومت لندن، لارڈز اچ کھیݙیا ویسی۔ انگلینڈ دی ٹیم دی قیادت جو روٹ کریسن جݙاں جو پاکستان دی ٹیم مایہ ناز بلے باز بابر اعظم دی فٹنس مسائل پاروں غیر موجودگی اچ سلمان آغا دی قیادت اچ میدان اچ لہسی۔ پاکستان دی ٹیم انہاں ݙینہاں انگلینڈ دے دورے تے اے جتھ او میزبان ٹیم دے خلاف پریکٹس میچ دے علاوہ ترائے ٹیسٹ میچاں دی سیریز کھیݙسی۔ ترائے ݙینھ دا وارم اپ میچ تے ٹیسٹ سیریز دا پہلا ٹیسٹ میچ کھیݙیا ونڄ چکے۔ ݙوہیں ٹیماں وچال سیریز دا ٻیا ٹیسٹ میچ 27 توں 31 اگست تئیں لارڈز اچ کھیݙیا ویسی جݙاں جو تریجھا تے آخری ٹیسٹ 9 توں 13 ستمبر تئیں برمنگھم اچ کھیݙیا ویسی۔