10 ارب ڈالر دی سویپ لائن معاملے تے پاکستان کوں امریکا ولوں تعمیری پیش رفت ملی اے، ایں مالی سال اچ یورو بانڈز توں 1 توں 2 ارب ڈالر حاصل کرݨ دا ہدف اے، وزیرِ خزانہ دا فنانشل ٹائمز کوں انٹرویو

اسلام آباد۔25اگست (اے پی پی) وفاقی وزیرِ خزانہ تے محصولات سینیٹر محمد اورنگزیب آکھیا جو 10 ارب ڈالر دی سویپ لائن دے معاملے تے پاکستان کوں امریکا ولوں تعمیری پیش رفت ملی اے اتے امید اے جو اگلے کجھ مہینیاں اچ جواب مل ویسی، درآمدات تے انحصار دی بجائے برآمدات تے مبنی ترقی تے نمو تے اساݙی گہری نظر اے، پاکستان رواں مالی سال اچ یورو بانڈز توں 1 ارب توں 2 ارب ڈالر حاصل کرݨ دا ہدف رکھیندے۔ فنانشل ٹائمز کوں انٹرویو اچ وزیرِ خزانہ اکھیا جو عالمی کیپٹل مارکیٹس اچ واپسی دی منصوبہ بندی دے تناظر اچ پاکستان امریکا توں مالی تعاون حاصل کرݨ تے توجہ مرکوز کیتی اے۔ انہاں آکھیا جو گزریل ماہ پاکستان ولوں واشنگٹن توں منگی ڳئی 10 ارب ڈالر دی سویپ لائن دا مقصد نجی سرمایہ کاراں کیتے اعتماد دا اشارہ ݙیوݨ ہئی۔ وزیرِ خزانہ آکھیا جو امریکی ایکسپورٹ امپورٹ بینک (ایگزم بینک) تے ڈویلپمنٹ فنانس کارپوریشن دا ٻہوں اہم کردار اے جنہاں پاکستان اچ سرمایہ کاری دے ممکنہ مالی خطرات برداشت کرݨ دی آمادگی ظاہر کیتی اے۔ انہاں آکھیا جو اے بنیادی طور تے امریکہ دے نال روابط دا ہک مجموعہ اے جئیں دا مقصد تجارت تے سرمایہ کاری دے بہاؤ تے توجہ مرکوز کرݨ تے بین الاقوامی کیپیٹل مارکیٹس دے حوالے نال مثبت اشارے ݙیوݨ اے۔وزیرِ خزانہ اکھیا جو 10 ارب ڈالر دی سویپ لائن دے معاملے تے اسلام آباد کوں واشنگٹن ولوں تعمیری پیش رفت ملی اے اتے انہاں کوں امید اے جو اگلے کجھ مہینیاں اچ جواب مل ویسی۔