سپیکر قومی اسمبلی سردار ایاز صادق دا پمز ہسپتال اچ 14 نومولود ٻالاں دے جانی نقصان تے افسوس

اسلام آباد۔26اگست (اے پی پی) سپیکر قومی اسمبلی سردار ایاز صادق پمز ہسپتال دے ایم سی ایچ بلاک دی نرسری اچ پیش آوݨ آلے ٻھاہ لڳݨ دے واقعے اچ 14 نومولود ٻالاں دے جانی نقصان تے ݙکھ تے افسوس دا اظہار کیتے۔ سپیکر میڈیا آفس توں جاری بیان اچ سپیکر قومی اسمبلی معصوم ٻالاں دے لواحقین نال دلی ہمدردی تے تعزیت دا اظہار کریندیں ہوئیں اکھیا جوایں اندوہناک واقعے تے دِل ݙکھی اے۔ سپیکر قومی اسمبلی اکھیا جو ٻالاں دے والدین دے ݙکھ اچ برابر دا شریک ہاں، اللہ تعالیٰ ٻالاں دے والدین کوں اے ناقابلِ تلافی نقصان برداشت کرݨ کیتے صبرِ جمیل عطا فرماوے۔