اسلام آباد۔26اگست (اے پی پی) چیئرمین سینیٹ سید یوسف رضا گیلانی پاکستان انسٹی ٹیوٹ آف میڈیکل سائنسز (پمز) ہسپتال دے گائنی وارڈ اچ ٻھا لڳݨ دے المناک واقعے دے نتیجے اچ 14 نومولود ٻالاں دے جاں بحق تھیوݨ تے ݙکھ تے افسوس دا اظہار کیتے۔ سینیٹ سیکرٹریٹ ولوں بدھ کوں جاری تعزیتی بیان اچ چیئرمین سینیٹ جاں بحق تھیوݨ آلے نومولود ٻالاں دے والدین تے لواحقین نال دلی تعزیت تے …
چیئرمین سینیٹ دا پمز ہسپتال اچ ٻھاہ لڳݨ دے واقعے تے افسوس
مزید خبراں
اسلام آباد۔26اگست (اے پی پی) چیئرمین سینیٹ سید یوسف رضا گیلانی پاکستان انسٹی ٹیوٹ آف میڈیکل سائنسز (پمز) ہسپتال دے گائنی وارڈ اچ ٻھا لڳݨ دے المناک واقعے دے نتیجے اچ 14 نومولود ٻالاں دے جاں بحق تھیوݨ تے ݙکھ تے افسوس دا اظہار کیتے۔ سینیٹ سیکرٹریٹ ولوں بدھ کوں جاری تعزیتی بیان اچ چیئرمین سینیٹ جاں بحق تھیوݨ آلے نومولود ٻالاں دے والدین تے لواحقین نال دلی تعزیت تے ہمدردی دا اظہار کریندیں ہوئیں آکھیا جو ایں المناک واقعے تے ہر اکھ اشکبار اے۔ انہاں آکھیا جو سوگوار خانداناں دے ݙکھ اچ برابر دے شریک ہن۔ سید یوسف رضا گیلانی لواحقین کیتے صبرِ جمیل دی دعا وی کیتی۔ چیئرمین سینیٹ آکھیا جو ہسپتالاں اچ ایجھے افسوسناک واقعات دی روک تھام کیتے مؤثر حفاظتی اقدامات، فائر سیفٹی نظام تے ہنگامی صورتحال نال نٻڑݨ کیتے تمام ضروری انتظامات کوں یقینی بݨایا ونڄݨا چاہیدے۔ انہاں آکھیا جو انسانی جاناں دے تحفظ کیتے حفاظتی تدابیر اچ کہیں قسم دی غفلت یا کوتاہی ناقابلِ قبول اے۔ چیئرمین سینیٹ سید یوسف رضا گیلانی متعلقہ حکام تے زور ݙتا جو واقعے دی مکمل تحقیقات کیتی ونڄن تے ولا ایجھے سانحات دی روک تھام کیتے مؤثر تے عملی اقدامات کیتے ونڄن۔
