محبتِ رسول ﷺ محض ہک جذبہ نئی بلکہ ایمان دا تقاضا اے، اساݙی زندگیاں اچ سیرتِ طیبہ دی پیروی دا جذبہ ہووݨا چاہیدے، احسن اقبال دا 12 ربیع الاول دے موقع تے سنیھا

اسلام آباد۔26اگست (اے پی پی) وفاقی وزیر برائے منصوبہ بندی احسن اقبال 12 ربیع الاول دے موقع تے آپݨے خصوصی سنیھے اچ آکھیا جو محبتِ رسول ﷺ محض ہک جذبہ نئی بلکہ ایمان دا تقاضا اے، اساݙی زندگیاں اچ سیرتِ طیبہ دی پیروی دا جذبہ ہووݨا چاہیدے۔ وزارتِ منصوبہ بندی توں بدھ کوں جاری سنیھے اچ احسن اقبال آکھیا جو اساکوں سیرتِ طیبہ ﷺ دی روشنی اچ آپݨی انفرادی تے اجتماعی زندگیاں کوں سنوارݨا اے، سیرتِ رسول ﷺ اساکوں محبت، برداشت، اخوت تے انسانیت دا درس ݙیندی اے، اساکوں معاشرے اچ سیرتِ نبوی ﷺ دی روشنی اچ محبت، رواداری تے آپسی احترام کوں فروغ ݙیوݨ دی لوڑھ اے۔ وفاقی وزیر آکھیا جو حکومت سیرتِ نبوی ﷺ توں عصرِ حاضر دے مسائل اچ رہنمائی کیتے نو سیرت چیئرز قائم کیتن، نوجوان نسل کوں سیرتِ طیبہﷺ دی اصل روح تے تعلیمات توں روشناس کریسوں۔