وزیرِ اعظم دا پمز ہسپتال دی نرسری اچ ٻھاہ لڳݨ دے واقعے اچ 14 نومولود ٻالاں دے جاں بحق تھیوݨ تے ݙکھ تے افسوس

اسلام آباد۔26اگست (اے پی پی) وزیرِ اعظم محمد شہباز شریف پمز ہسپتال دی نرسری اچ ٻھاہ لڳݨ دے اندوہناک واقعے اچ 14 نومولود ٻالاں دے جاں بحق تھیوݨ تے ݙکھ تے دِلی افسوس دا اظہار کیتے۔ بدھ کوں وزیرِ اعظم آفس دے میڈیا ونگ توں جاری بیان دے مطابق وزیرِ اعظم محمد شہباز شریف ٻھاہ لڳݨ دے افسوسناک واقعے دا نوٹس گھندیں ہوئیں حکام کوں فوری تحقیقات دی ہدایت کیتی اتے اکھیا جو اے ناقابلِ تلافی نقصان اے، ایں اندوہناک واقعے تے دِل ݙکھی اے، والدین دے ݙکھ اچ برابر دے شریک ہیسے، واقعے دے محرکات دا تفصیلی جائزہ گھدا ونڄے اتے ذمہ داراں دا تعین کیتا ونڄے اتے سخت توں سخت کارروائی عمل اچ آندی ونڄے۔ وزیرِ اعظم معصوم ٻالاں دے لواحقین نال دلی اظہارِ تعزیت کیتا اتے دعا کیتی جو اللہ تعالیٰ لواحقین کوں صبرِ جمیل عطا فرماوے۔