روشن ڈیجیٹل اکاؤنٹس دے ذریعے سمندر پار پاکستانیاں دی مجموعی ترسیلاتِ زر دا حجم 13.647 ارب ڈالر تئیں پڄ ڳیا

اسلام آباد۔27اگست (اے پی پی) روشن ڈیجیٹل اکاؤنٹس دے ذریعے سمندر پار پاکستانیاں دی مجموعی ترسیلاتِ زر دا حجم 13.647 ارب ڈالر تئیں پڄ ڳئے۔ سٹیٹ بینک ولوں جاری اعداد و شمار دے مطابق نومبر 2020 توں گھن تے جولائی 2026 دے اختتام تئیں سمندر پار پاکستانیاں روشن ڈیجیٹل اکاؤنٹ دے ذریعے 13.647 ارب ڈالرزِ مبادلہ ملک پڄایا، صرف جولائی دے مہینے اچ سمندر پار پاکستانیاں اِنھاں اکاؤنٹس دے ذریعے 282 ملین ڈالر ملک پڄائے۔ اعداد و شمار دے مطابق روشن ڈیجیٹل اکاؤنٹس دے ذریعے سمندر پار پاکستانیاں ہݨ تئیں 2.15 ارب ڈالر دی سرمایہ کاری کیتی اے۔ نومبر اچ سمندر پار پاکستانیاں آر ڈی اے اکاؤنٹس دے ذریعے 91 ملین ڈالر دی سرمایہ کاری کیتی۔ اعداد و شمار دے مطابق سمندر پار پاکستانیاں نیا پاکستان سرٹیفیکیٹس اچ مجموعی طور تے 684 ملین ڈالر، نیا پاکستان اسلامی سرٹیفیکیٹ اچ 1.316 ارب ڈالر اتے پاکستان سٹاک ایکسچینج اچ 151 ملین ڈالر دی سرمایہ کاری کیتی۔