راولپنڈی۔28اگست (اے پی پی) چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر جواناں کیتے تعلیم، ہنرمندی دے فروغ، کاروباری سرگرمیاں تے حقائق تے مبنی تجزیاتی صلاحیتاں کوں بروئے کار گھن آوݨ دی اہمیت تے زور ݙتے۔ جمعے کوں پاک فوج دے شعبہِ تعلقاتِ عامہ (آئی ایس پی آر) توں جاری بیان دے مطابق چیف آف آرمی سٹاف تے چیف آف ڈیفنس فورسز فیلڈ مارشل …
چیف آف ڈیفنس فورسز تے فیلڈ مارشل سید عاصم منیر نال ہارورڈ بزنس سکول دے طلبہ دی ملاقات، تعلیم، ہنرمندی دے فروغ تے حقائق تے مبنی تجزیاتی صلاحیتاں کوں استعمال اچ گھن آوݨ دی اہمیت تے زور
مزید خبراں
راولپنڈی۔28اگست (اے پی پی) چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر جواناں کیتے تعلیم، ہنرمندی دے فروغ، کاروباری سرگرمیاں تے حقائق تے مبنی تجزیاتی صلاحیتاں کوں بروئے کار گھن آوݨ دی اہمیت تے زور ݙتے۔ جمعے کوں پاک فوج دے شعبہِ تعلقاتِ عامہ (آئی ایس پی آر) توں جاری بیان دے مطابق چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر پاکستان دے دورے تے آئے ہوئے ہارورڈ بزنس سکول دے مختلف ملکاں نال تعلق رکھݨ آلے طلبہ دے وفد نال ملاقات کیتی اتے انہاں نال ڳالھ مہاڑ کیتی۔ ملاقات دے دوران علاقائی تے عالمی صورتحال، پاکستان دے سکیورٹی منظرنامے تے خطے سمیت دنیا بھر اچ امن، استحکام تے خوشحالی دے فروغ کیتے کیتی ڳئی کوششاں تے ڳالھ مہاڑ کیتی ڳئی۔ چیف آف آرمی سٹاف و چیف آف ڈیفنس فورسز جواناں کیتے تعلیم، ہنرمندی دے فروغ، کاروباری سرگرمیاں تے حقائق تے مبنی تجزیاتی صلاحیتاں کوں بروئے کار گھن آوݨ دی اہمیت تے زور ݙتا تانجو او ایں جہیں ودھدے ہوئے غیر یقینی تے پرُآشوب عالمی ماحول اچ بامعنی کردار ادا کر سڳن جتھاں سوشل میڈیا تے پراپیگنڈا وی اثرانداز تھیندے پئن۔ ہارورڈ بزنس سکول دے طلبہ پاکستان دے جاری دورے دے دوران آپݨے خوشگوار تجربات دا اظہار کیتا۔ انہاں بالخصوص پاکستانی عوام دی کشادہ دلی تے گرمجوشی کوں سراہیا اتے پاکستان اچ موجود بے پناہ صلاحیتاں تے مواقع دی وی تعریف کیتی۔
