اسلام آباد۔28اگست (اے پی پی) قومی اسمبلی پاکستان انسٹی ٹیوٹ آف میڈیکل سائنسز (پمز) دی تحقیقات کیتے خصوصی کمیٹی بݨاوݨ دی تحریک دی منظوری ݙے ݙتی اے۔ جمعہ کوں قومی اسمبلی دے اجلاس اچ وفاقی وزیرِ قانون اعظم نذیر تارڑ خصوصی کمیٹی بݨاوݨ دے حوالے نال تحریک ایوان اچ پیش کیتی جیندی ایوان منظوری ݙتی، تحریک دے متن اچ آکھیا ڳیا جو سپیکر قومی اسمبلی چیئرمین سینیٹ دی مشاورت نال …
قومی اسمبلی پمز حادثے دی تحقیقات کیتے خصوصی کمیٹی بݨاوݨ دی تحریک دی منظوری ݙے ݙتی
اسلام آباد۔28اگست (اے پی پی) قومی اسمبلی پاکستان انسٹی ٹیوٹ آف میڈیکل سائنسز (پمز) دی تحقیقات کیتے خصوصی کمیٹی بݨاوݨ دی تحریک دی منظوری ݙے ݙتی اے۔ جمعہ کوں قومی اسمبلی دے اجلاس اچ وفاقی وزیرِ قانون اعظم نذیر تارڑ خصوصی کمیٹی بݨاوݨ دے حوالے نال تحریک ایوان اچ پیش کیتی جیندی ایوان منظوری ݙتی، تحریک دے متن اچ آکھیا ڳیا جو سپیکر قومی اسمبلی چیئرمین سینیٹ دی مشاورت نال ہک خصوصی پارلیمانی کمیٹی قائم کرے جو نہ صرف ایں پورے واقعہ دی تحقیقات کرے بلکہ مستقبل اچ اسلام آباد کیپیٹل ٹیریٹری دے حوالے نال تجاویز تے سفارشات وی مرتب کرے۔ اعظم نذیر تارڑ ایوان کوں ݙسایا جو سینیٹ وی ہک کمیٹی بݨائی اے، میݙی اپوزیشن توں درخواست اے جو انہاں کوں کمیٹیاں اچ آوݨا چاہیدے، انہاں آکھیا جو وزیرِ اعظم ایں واقعہ دی انکوائری کیتے ہک کمیٹی بݨائی اے جیندے اچ پمز یا وزارتِ صحت دا کوئی نمائندہ شامل کائنی۔ ݙوجھی کمیٹی وی بݨی اے جیندا ایں انکوائری کمیٹی نال کوئی تعلق کائنی، اے کمیٹی معروف کارڈیالوجسٹ ڈاکٹر اظہر کیانی دی قیادت اچ بݨی اے، اے کمیٹی ہک ورکنگ پیپر تیار کر تے ہسپتال دی بہتری کیتے اقدامات تجویز کریسی۔
