وزیرِ اعظم دی ایف بی آر اصلاحات مقررہ مدت اچ مکمل کرݨ، ٹیکس چوری تے اسمگلنگ دے خلاف کارروائیاں تیز کرݨ دی ہدایت

اسلام آباد۔28اگست (اے پی پی) وزیرِ اعظم محمد شہباز شریف ٹیکس چوری، سمگلنگ تے غیر قانونی کاروبار دے خلاف مؤثر کارروائیاں تیز کرݨ تے ایف بی آر اچ اصلاحات مقررہ مدت دے اندر مکمل کرݨ دی ہدایت کریندیں ہوئیں آکھیا جو حکومت ملکی ترقی کیتے ٹیکس نظام اچ اصلاحات کریندی پئی اے۔ وزیرِ اعظم محمد شہباز شریف دی صدارت اچ ایف بی آر اچ اصلاحات تے ہفتہ وار جائزہ اجلاس جمعہ کوں تھیا۔ وزیرِاعظم آفس دے میڈیا ونگ توں جاری بیان دے مطابق وزیرِ اعظم کوں اجلاس اچ “پرال” دی تنظیمِ نو تے بریفنگ ݙتی ڳئی۔ وزیرِ اعظم اجلاس توں خطاب کریندیں ہوئیں آکھیا جو ٹیکس نظام اچ اصلاحات کیتے اقدامات دے نفاذ کوں معینہ مدت اچ مکمل کیتا ونڄے اتے اصلاحات دا تھرڈ پارٹی آڈٹ یقینی بݨایا ونڄے، وزیرِ اعظم آکھیا جو ملکی ترقی کیتے ٹیکس نظام اچ اصلاحات دا نفاذ کریندے پئیوں۔ انہاں ڈیجیٹلائزیشن، پیداوار دی نگرانی تے خودکار نظام کوں ایف بی آر اصلاحات دا اہم ستون قرار ݙیندیں ہوئیں ٹیکس چوری، اسمگلنگ تے غیر قانونی کاروبار دے خلاف مؤثر کارروائی بئی تیز کرݨ دی ہدایت کیتی۔ انہاں ایف بی آر اچ اچھی شہرت دے گڈز ایویلیویٹرز دی تعیناتی دے عمل کوں خوش آئند امر قرار ݙیندیں ہوئیں آکھیا جو چیئرمین ایف بی آر تے انہاں دی ٹیم دیاں ایں حوالے نال کوششاں لائقِ تحسین ہن۔ اجلاس اچ ایف بی آر اچ جاری اصلاحات، بالخصوص “پرال” دی تنظیمِ نو، ٹیکس نظام دی ڈیجیٹلائزیشن تے اسمگلنگ دے تدارک کیتے کیتے ڳئے اقدامات تے تفصیلی بریفنگ ݙتی ڳئی جیندے اچ ݙسایا ڳیا جو ٹیکس نظام کوں جدید، مربوط تے ڈیٹا تے مبنی بݨاوݨ کیتے آئرس 3.0، نویں ٹیکس آپریٹنگ ماڈل تے سینٹرل ڈیٹا ہب تے مرحلہ وار کام جاری اے۔ آئرس 3.0 دے ڈیزائن کیتے بین الاقوامی کنسلٹنٹس دی خدمات حاصل کیتی ڳئن۔ بریفنگ اچ ݙسایا ڳیا جو پرال اچ ٹیکنالوجی، ڈیٹا سکیورٹی، آپریشنز تے ٹیکس ڈومین سمیت مختلف شعبیاں اچ نویں سینئر قیادت دیاں تعیناتیاں کیتی ڳئن جڈانجو آئرس 3.0 دے تحت ٹیکس نظام کوں مزید مؤثر بݨاوݨ، آٹو ٹیکس دے تصور کوں پائلٹ کرݨ تے مستقبل اچ مصنوعی ذہانت تے مشین لرننگ کوں ٹیکس وصولی بہتر بݨاوݨ کیتے استعمال کرݨ دے منصوبے تے کم تیزی نال جاری اے۔ کسٹمز دے شعبے اچ فیس لیس اسیسمنٹ دے مثبت اثرات نال متعلق اجلاس کوں ݙسایا ڳیا جو جنوری توں جون 2026ء دے دوران فی گڈز ڈیکلریشن اوسط ریونیو اچ 12 فیصد اضافہ ریکارڈ کیتا ڳیا۔ بریفنگ اچ ݙسایا ڳیا جو فیس لیس اسیسمنٹ دے نتیجے اچ فی گڈز ڈیکلریشن دے محاصل اچ بہتری دے نال نال درآمدی بے ضابطگیاں دی نشاندہی تے نگرانی اچ وی اضافہ تھیے۔ کسٹمز اسیسمنٹ دے نظام کوں مزید مربوط بݨاوݨ کیتے 280 گڈز ایویلیویٹرز دی بھرتی دا عمل حتمی مراحل اچ اے۔ اسلام آباد اچ سینٹرل اسیسمنٹ یونٹ دے قیام تے وی پیش رفت جاری اے، عبوری انتظام دے تحت یونٹ 31 دسمبر 2026ء تئیں فعال کرݨ جڈانجو مکمل مربوط سہولت کوں جون 2027ء تئیں نویں کمپلیکس اچ فعال کرݨ دا ہدف مقرر کیتا ڳئے۔ اجلاس کوں ݙسایا ڳیا جو جولائی 2025 اچ ڈیجیٹل انوائسنگ دے ذریعے 236 بلین روپے دی ٹرانزیکشنز تھیاں جڈانجو جولائی 2026 اچ اِنھاں دا حجم 2.5 ٹریلین روپے دی سطح کوں عبور کر ڳیا، تے دسمبر 2026 تئیں ڈیجیٹل انوائسنگ دے ذریعے 4 ٹریلین روپے دیاں ٹرانزیکشنز دا ہدف مقرر کیتا ڳئے۔ اسمگلنگ دے تدارک دے حوالے نال اجلاس کوں ݙسایا ڳیا جو پٹرولیم مصنوعات دی غیر قانونی نقل و حرکت دی روک تھام کیتے تمام قانونی پٹرول پمپاں دی جی آئی ایس ٹیگنگ، جی پی ایس دے ذریعے پٹرولیم مصنوعات دی ٹریکنگ، آئل مارکیٹنگ کمپنیوں دے ای آر پی نظام کوں ٹریکر نال منسلک کرݨ تے قانون نافذ کرݨ آلے اداریاں کیتے مرکزی ٹریکنگ ایپ سمیت متعدد اقدامات مکمل کیتے ڳئن۔ راہ-گزر ایپ دے ذریعے اَݙھائی ہزار غیر قانونی پیٹرول پمپاں کوں بند کروا تے اِنھاں دے خلاف قانونی کاروائی کیتی ڳئی اے جڈانجو پٹرولیم مصنوعات دی فروخت دی ڈیجیٹل نگرانی تے ٻیاں اقدامات تے وی کام جاری اے۔ وزیرِ اعظم ہدایت کیتی جو ایف بی آر اصلاحات دے تمام اقدامات مقررہ مدت دے اندر مکمل کیتے ونڄن تے اصلاحاتی عمل دی شفافیت، مؤثریت تے پائیداری کیتے تھرڈ پارٹی آڈٹ یقینی بݨایا ونڄے۔ وزیرِ اعظم ٹیکس نظام کوں جدید تے مؤثر بݨاوݨ، ریونیو وصولی اچ اضافہ تے اسمگلنگ دے مکمل تدارک کیتے اصلاحات تے عملدرآمد مزید تیز کرݨ دی ہدایت کیتی۔ اجلاس اچ وفاقی وزراء اعظم نذیر تارڑ، ڈاکٹر مصدق مسعود ملک، احد خان چیمہ، محمد اورنگزیب، عطاء اللہ تارڑ، شزہ فاطمہ خواجہ، وزیرِ مملکت بلال اظہر کیانی، رکن قومی اسمبلی عثمان اویسی، گورنر اسٹیٹ بینک جمیل احمد، چیئرمین ایف بی آر تے متعلقہ اعلیٰ حکام شرکت کیتی۔