لارڈز ٹیسٹ: قومی ٹیم پہلی اننگز اچ 110 رنز تے پر ڈھیر، انگلینڈ کوں 180 رنز دی وتھی مل ڳئی

لندن۔ 28 اگست(اے پی پی) پاکستان دی ٹیم لارڈ ٹیسٹ اچ انگلینڈ دے خلاف پہلی اننگز اچ 110 رنز تے ڈھیر تھی گئی۔ لارڈز ٹیسٹ دے ݙوڄھے ݙینھ پاکستان ٹیم دی بیٹنگ لائن کِر ٻُر لا ݙتی اتے پوری ٹیم 110 رنز تے آل آؤٹ تھی گئی جیندے نال انگلینڈ 180 رنز دی وتھی ڳھن ڳھدی اے۔ پاکستان ولوں اذان اویس 46، سعود شکیل 16 رنز ٻݨائے۔ شان مسعود، علی عثمان، خرم شہزاد ہک، ہک رن ٻݨا سڳیے۔ عبداللہ شفیق 5، محمد رضوان 7 اتے کپتان بابر اعظم 8 رنز ٻݨائے۔ انگلینڈ ولوں اولی رابنسن چار کھلاڑی آؤٹ کیتے، جوفرا آرچر 3 اتے جوش ٹنگ ݙو وکٹاں ڳھدن۔ ایں توں پہلے انگلش ٹیم پہلی اننگز اچ  290 رنز تے آؤٹ تھئی ہئی۔

پاکستان ولوں محمد عباس 4، محمد علی 3، ڄݙاں جو علی عثمان 2 اتے خرم شہزاد ہک وکٹ ڳھدی۔ میزبان ٹیم ولوں بین ڈکٹ 17، ایمیلو گے 8، کپتان جو روٹ 4، جوفرا آرچر 14، جارڈن کاکس 55، وکٹ کیپر بیٹر جیمی اسمتھ 61 رنز ٻݨائے۔ آخری وکٹ تے ایٹ کنسن اتے جوش ٹنگ 47 رنز جوڑیے۔ گس ایٹ کنسن 45 اتے جوش ٹنگ 30 رنز دی اننگز کھیݙی۔